ECT သို့မဟုတ် ရှော့ခ်ရိုက် ကုသခြင်း

Electro Convulsive Therapy (ECT) လို့ ဆိုလိုက်တာနဲ့ လူတော်တော်များများ ကျောထဲ စိမ့်သွားတတ်ကြပါတယ်။ ရုပ်ရှင်တွေထဲမှာ ပုံဖော်တာက ကြောက်စရာကိုး။ တကယ်တမ်းလည်း အပြင်မှာ ဟိုးအရင်က အတော် ကြောက်စရာ ဖြစ်ခဲ့ပါတယ်။ ခေတ်မီ မေ့ဆေး၊ ကြွက်သား ဖြေလျော့ဆေးတွေ မသုံးနိုင်ခင်ကပေါ့။

ECT ကို လူတွေ ကြောက်တယ် ဆိုတာ အဆိုးတွေကိုပဲ ပုံကြီးချဲ့ပြတဲ့ မီဒီယာတွေ၊ သြဇာရှိသူတွေရဲ့ သက်ရောက်မှုတွေကြောင့်သာ ဖြစ်ပြီး သိပ္ပံနည်းကျ လေ့လာတွေ့ရှိတဲ့ အန္တရာယ်ရှိမှုကြောင့် မဟုတ်ပါဘူး။ ဆိုလိုချင်တာက အရပ်ပြောနဲ့ပဲ ရမ်းကြောက်နေကြတာ ဖြစ်ပါတယ်။

ခုခေတ်မှာတော့ လူနာကို ရှော့ခ်ပေးချိန် မိနစ်ပိုင်းလေးအတွင်း မေ့ဆေး ပေးထားလို့ ရတယ်။ ရှော့ခ်ကြောင့် တက်တဲ့အခါ ကြွက်သားတွေ အရမ်း မလှုပ်ရှားရလေအောင် ဖြေဆေး ပေးထားတယ် ဆိုတော့ မလိုအပ်တဲ့ ကြောက်စရာ အတွေ့အကြုံတွေ မရှိတော့ပါဘူး။ လူနာကလည်း ဟန်မပျက်လေး ပြန်နိုးလာ လက်ဖက်ရည် သောက်ပြီး နာရီဝက်လောက် နေရင် လူနာဆောင်ထဲ ပြန်နိုင်တာပဲ။

ECT သို့မဟုတ် လျှပ်စစ်ဓာတ်နဲ့ ရှော့ခ်ရိုက် ကုသခြင်းကို ၁၉၃၈ ခုနှစ်မှာ အီတာလျံလူမျိုး သုတေသန ပညာရှင် နှစ်ဦး ( Cerletti and Bini) က ခွေးတွေမှာ စမ်းသပ်ရင်း တွေ့ရှိခဲ့ပါတယ်။ ဒီ့မတိုင်ခင် ၁၉၃၄ ခုနှစ်တုံးက ဟန်ဂေရီလူမျိုး စိတ်ရောဂါကု ဆရာဝန် Meduna က စိတ်ကစဉ့်ကလျားရောဂါ (Schizophrenia) နဲ့ အတက်ရောဂါ (Epilepsy) လက္ခဏာတွေ အတူတွဲ မဖြစ်တတ်တာကို ပထမ လေ့လာမိခဲ့တာ ဖြစ်ပါတယ်။ ဒါပေါ် မူတည်ပြီး အီတာလျံနှစ်ယောက်က လူတွေမှာ ဒီကုထုံးကို စသုံးကြည့်ရာကနေ တွင်ကျယ်လာခဲ့တာပါ။

ပထမတော့ ဒီကုထုံးကို စိတ်ကစဉ့်ကလျားရောဂါ ဝေဒနာရှင်တွေမှာပဲ အသုံးများခဲ့ပါတယ်။ မေ့ဆေးလည်း မသုံး၊ ကြွက်သား ဖြေလျော့ဆေးတွေလည်း မသုံးပဲ အစိမ်း ရှော့ခ်ရိုက်တာ ဆိုတော့ အတော်ပဲ ကြောက်စရာ ကောင်းခဲ့ပါတယ်။ လူအများ ကြောက်ခဲ့တာလည်း ဒါမျိုးကို နာမည်ကြီး ရုပ်ရှင် (One Flew Over the Cuckoo's Nest) မျိုးမှာ တွေ့ခဲ့ကြတာကိုး။ (A Beautiful Mind ဇာတ်ကားထဲမှာ သုံးတာကတော့ Insulin Shock / Insulin Coma Therapy ဖြစ်ပါတယ်။ တော်တော် ကြောက်စရာကောင်းပြီး သိပ္ပံနည်းမကျတဲ့ ကုထုံး ဖြစ်လို့ နောက်ပိုင်းမှာ ဆက်မသုံးတော့ပါဘူး)

ဒီလိုဆိုတော့ ECT ကရော သိပ္ပံနည်းနဲ့ အတိအကျ နားလည်ပြီးသား ကုထုံးလားလို့ မေးရင် မဟုတ်သေးပါဘူး။ ဦးနှောက်ထဲက ဓာတုပစ္စည်းတွေအပေါ် သက်ရောက်မှု ရှိတယ် ဆိုတာ သိပေမယ့် ဘယ်လို mechanism of action နဲ့ အတိအကျ အလုပ်လုပ်တယ် ဆိုတာ အသေးစိတ် မသိကြသေးပါဘူး။ သို့သော် မေ့ဆေး၊ ကြွက်သားဖြေလျော့ဆေးတွေနဲ့ ဘေးထွက်ဆိုးကျိုး နည်းအောင် လုပ်လို့ ရလာတာရယ်၊ လက်တွေ့စမ်းသပ်ချက်တွေအရ ရောဂါလက္ခဏာတွေ သက်သာပြီး အကျိုးရှိမှန်း သေချာသိလာတာရယ်ကြောင့် ECT ကတော့ စိတ်ရောဂါကုထုံး တစ်ခုအနေနဲ့ ရပ်တည်နေဆဲ ဖြစ်ပါတယ်။ ဆေးနဲ့ ကုလို့ မရမှ သုံးတဲ့နည်းပါ။ First-line treatment တော့ မဟုတ်ပါဘူး။

ECT ကို မူလက စိတ်ကစဉ့်ကလျားရောဂါ (Schizophrenia) မှာ သုံးပေမယ့် နောက်ပိုင်း စမ်းသပ်တွေ့ရှိချက်တွေအရ အဲဒီရောဂါမှာ မထိရောက်လှတာ သိလာလို့ မသုံးတော့ပါဘူး။ ခုခေတ်မှာတော့ ECT ကို အပြင်းထန်ဆုံး စိတ်ဓာတ်ကျရောဂါ (မစားမသောက်နဲ့ ကိုယ်ခန္ဓာ ကျန်းမာရေးကိုပါ ခြိမ်းခြောက်ထိခိုက်လာတဲ့ သို့မဟုတ် သတ်သေဖို့ အလားအလာ သိပ်များနေတဲ့ အနေအထားမျိုး) မှာ အရေးပေါ် အနေနဲ့ သုံးပါတယ်။ မြန်မြန်နဲ့ အာနိသင် ရတတ်လို့ အသုံးတည့် အသက်ကယ်ရာ ရောက်ပါတယ်။ သုံးသင့်တဲ့ နေရာ ဆိုရမှာပေါ့။ အသက်ကြီးသူ လူနာတွေကျတော့ ဆေးတွေကို ပြင်းအားများများ တင်လိုက်တဲ့အခါ ဘေးထွက်ဆိုးကျိုးဒဏ် မခံနိုင်တာမျိုး ဖြစ်တတ်ပါတယ်။ ဒီလိုအခါမှာ တခြားနည်းလည်း မရှိတော့တဲ့အတွက် ECT ကို အဆိုပြု အသုံးချတတ်ပါတယ်။ တချို့ကျတော့ ဆေးတွေ အမျိုးစုံကို ဂိတ်ဆုံးရောက်တဲ့ထိ တင်တာတောင် အကျိုး မခံစားရလို့ (တနည်းအားဖြင့် ဆေးမတိုးလို့) သုံးရတာ ရှိပါတယ်။

ဘာကြောင့်ပဲ သုံးမယ်လို့ ဆုံးဖြတ် ဆုံးဖြတ်၊ လူနာကို အရင် ရှင်းပြပြီး သူ သဘောတူမှ ပေးရတာပါ။ လူနာက မဆုံးဖြတ်နိုင်လောက်အောင် စိတ်ရောဂါ ဖိစီးနေရင်တော့ ဥပဒေ လုပ်ထုံးလုပ်နည်းနဲ့အညီ ဒုတိယ ထင်မြင်ချက်ပေး ဆရာဝန်ကြီး (second opinion doctor) ကို တိုင်ပင်ပြီးမှ ပေးပါတယ်။ အရမ်း လုပ်လို့ မရပါဘူး။

ရှော့ခ်ရိုက်တယ် ဆိုရာမှာ လျှပ်စစ်ဓာတ် ပြင်းအားအနည်းငယ်ကို ဦးခေါင်းရဲ့ ဂျိုစောင်းတစ်ဖက်တစ်ချက်ကနေ electrode နဲ့ စက္ကန့်ပိုင်းလေး ပေးတာ ဖြစ်ပါတယ်။ အဲဒီမတိုင်ခင်မှာ လူနာကို မေ့ဆေးဆရာဝန်က စစ်ဆေးပြီး မေ့ဆေးအတိုစားနဲ့ ကြွက်သားဖြေလျော့ဆေး ကြိုပေးထားပါတယ်။ တက်တဲ့အချိန်မှာ လူနာ ဘာမှ မသိဘူးပေါ့။ ကြွက်သားတွေလည်း မတရား တောင့်တင်းမကုန်တဲ့အတွက် ခြေလက်တွေ ကောက်ကွေး တက်ချက် ကျိုးပဲ့တာ မဖြစ်တော့ပါဘူး။ ဒါဟာ ခေတ်မီ ပြုပြင်ပြောင်းလဲထားတဲ့ modified ECT ပါပဲ။ အနောက်နိုင်ငံတွေမှာ လက်ရှိ သုံးနေဆဲ ဖြစ်ပါတယ်။ အသေအချာ ရွေးပြီး သုံးတာ ဖြစ်ပြီး လူနာလည်း အကျိုးကျေးဇူး ခံစားရပါတယ်။ စိတ်လည်း ချရပါတယ်။

ECT ရဲ့ ဘေးထွက်ဆိုးကျိုးတွေကတော့ မေ့ဆေးနဲ့ ပတ်သက်တဲ့ အန္တရာယ် (အခြားသော အသေးစား ခွဲစိတ်ခြင်းများမှာ အတိုင်း) ရှိတတ်တာရယ်၊ မှတ်ဥာဏ်ကို ထိခိုက်တာရယ် (ECT ရှော့ခ်ရိုက်ခါနီး အချိန်က အဖြစ်အပျက်တွေကို မမှတ်မိပေမယ့် ကျန်တဲ့ မှတ်ဥာဏ်က ဘာမှ မဖြစ်ပါဘူး) အဓိက ဖြစ်ပါတယ်။ ECT တစ်ခါ ပေးပြီးတိုင်း ခေါင်းကိုက် ခေါင်းမူးတတ်တာ၊ ကြွက်သားတွေ ကိုက်ခဲတတ်တာ၊ ပျို့အန်ချင်ပြီး အစားမစားနိုင်တာတွေလည်း ဖြစ်တတ်ပါတယ်။ လူတိုင်းမှာ ဖြစ်တာတော့ မဟုတ်ပါဘူး။

ECT ကုထုံးကို ဘယ်လူနာမဆို ကုနိုင်တာ မဟုတ်ပါဘူး။ ဦးနှောက်တွင်း ဖိအားများနေတဲ့ (ဦးနှောက်အကြိတ် တစ်မျိုးမျိုး ရှိနေ) သူတွေ၊ မကြာသေးမီက နှလုံးရောဂါ ရထားသူတွေ၊ နှလုံး သွေးကြောမကြီး သို့မဟုတ် ဦးနှောက်တွင်း သွေးကြောဖောင်းနေတဲ့ ရောဂါ (cerebral / arotic aneurysms) ဒီကုထုံး မခံယူသင့်ပါဘူး။ ECT ကြောင့် သွေးဖိအား၊ ဦးနှောက်တွင်း ဖိအားတွေ ပိုများလာပြီး ရောဂါ ပိုဆိုး၊ အသက်အန္တရာယ် ရှိနိုင်လို့ပါ။

လူနာတစ်ယောက်ဟာ ECT နဲ့ ကုရပြီ ဆိုရင် တစ်ပတ်မှာ နှစ်ခါ ECT treatment ယူရပါတယ်။ နေ့တိုင်းကိစ္စ မဟုတ်ပါဘူး။ တတိယပတ်လောက် ရောက်လာရင် ရောဂါလက္ခဏာတွေ တော်တော်ပဲ သက်သာ ပျောက်ကင်းနေတတ်ပြီ။ စုစုပေါင်း ၆ ကြိမ်ကနေ ၈ ကြိမ် treatment ယူရတတ်ပါတယ်။ ECT ကြောင့် ရောဂါ သက်သာခြင်းဟာ အဖြစ်မြန် အပျက်မြန်လို့ အရေးပေါ် အခြေအနေမှာပဲ အသုံးတည့်ပါတယ်။ ရေရှည်ထိန်းတဲ့ ကုထုံးအဖြစ် အသုံးမ၀င်ပါဘူး။ ဒီ့အတွက် ပုံမှန် သောက်ဆေးနဲ့ ကုရပါတယ်။

ECT ကို အင်မတန် ကြောက်စရာကောင်းပြီး လူမဆန်တဲ့ ကုထုံးအဖြစ် ပုံဖော်ကြသူများ ရှိသလို ECT ကြောင့် ဘ၀တွေ ပုံမှန် ပြန်ရောက် ဘ၀တန်ဖိုးတွေ ပြန်ခံစားနိုင်တဲ့ လူနာတွေ၊ သူတို့ရဲ့ မိသားစုတွေလည်း တပုံတပင် ဖြစ်ပါတယ်။ ကျွန်မ အလုပ်လုပ်ခါစက လူနာတစ်ယောက်ကို consent ယူဖို့ ECT အကြောင်း ရှင်းပြတော့ သူက မင်းသာ ငါ့နေရာမှာဆို ဒီကုထုံးကို လက်ခံမလားတဲ့။ ကိုယ် ပြောတာ ကိုယ် ယုံကြည်တဲ့အတွက် 'of course I would' လို့ ဖြေခဲ့တာ သတိရမိတယ်။ ပြောချင်တာက တကယ် လိုအပ်သူတွေအတွက် ထိရောက်တဲ့ ကုထုံး ဖြစ်တယ် ဆိုတာပါပဲ။ တွေ့ဖူး သိဖူး ကြားဖူးတာ ရှိရင် အတွေ့အကြုံ ဝေမျှဖို့ ဖိတ်ခေါ်လိုက်ပါတယ်။

မြန်မာလူမျိုးအပေါင်း စိတ္တဘယမှ ကင်းဝေးပြီး ချမ်းသာကြပါစေ။

(ပြည်သူ့ကျန်းမာရေး စုပေါင်းဘလော့ဂ်မှာ တင်ပြီးသား ဖြစ်ပါတယ်။ မဖတ်ဖြစ်လိုက်သူများ ဖတ်ရအောင် ပြန်တင်လိုက်ပါတယ်)

ကြောင့်သားကောင်

ဘလော့ဂ် မရေးဖြစ်တာ တကယ်ပဲ ကြာနေပါပြီ။ လာလာဖတ်သူတွေကို အားနာလို့ ပိတ်ပစ်မလားတောင် စဉ်းစားသေးတယ်။ ကိုယ့်ဟင်းချက်နည်းလေးတွေများ သိချင်လို့ လာရှာရင် ခက်နေမှာ စိုးလို့ မပိတ်ပဲ ထားဖြစ်ပါတယ်။ ဦးနှောက်နဲ့ နှလုံးသား လေးလံမှုကြောင့် လေးနက်သော စာများကို မရေးနိုင်ပါ။ ဒီတခါလည်း ပေါ့ပေါ့ပါးပါးလေးပဲ ရေးပါတယ်။ ဖတ်ချင်မှ ဖတ်ပါနော့။

ကိုယ် အခု ကြားရက်တွေမှာ အလုပ်လုပ်တဲ့ မြို့မှာပဲ နေဖြစ်ပါတယ်။ ဆေးရုံနားက အိမ်တအိမ်မှာ အခန်းတခန်း ငှားပြီး၊ အိမ်ရှင်ရယ်၊ သူ့သမီးရယ်၊ သူ့သမီးရဲ့ ကြောင်မနှစ်ကောင်ရယ်နဲ့ အတူတူ နေတာပါ။ တအိမ်လုံး ဣထ္ထိယချည်းပဲ။ အိမ်ရှင်က အမျိုးသမီးဆေးရုံက ပါရဂူတယောက်ရဲ့ အတွင်းရေးမှူးပါ။ ညနေ အလုပ်ပြန်ချိန်မှ ခဏဆုံကြ စကားပြောဖြစ်ကြတယ်။ အင်မတန် သပ်ရပ်စည်းကမ်းရှိပြီး အိမ်ကို လှပသန့်ပြန့်အောင် ထားတာရယ်၊ ကိုယ်ရေးကိုယ်တာတွေ သိပ်မစပ်စုတာရယ်ကတော့ အင်္ဂလိပ်ထုံးစံလို့ ပြောရမယ်။ ခြုံပြောရင် ကိုယ့်အတွက် အင်မတန် အဆင်ပြေပြီး နေပျော်ပါတယ်။

အိမ်ရှင်က ကိုယ် အခန်းမငှားခင် သွားကြည့်တဲ့ နေ့ကတည်းက ကြောင် ချစ်မချစ် သေသေချာချာ မေးပါတယ်။ ကိုယ်ငယ်ငယ်တုံးက အိမ်မှာ ကြောင်လေးတွေ မပြတ်မွေးခဲ့ကြောင်း ပြောမှ သူက သက်ပြင်းချပြီး ဒါဆို မင်းကို စိတ်ချလက်ချ လက်ခံလိုက်တော့မယ်တဲ့။ အရင် အိမ်ငှားတယောက်တုံးက ကြောင် မကြိုက်လို့ သူ ရှိနေချိန်ဆို ကြောင်တွေကို အကျယ်ချုပ် ချထားရတဲ့အတွက် သူတို့သားအမိမှာ ကိုယ့်အိမ်မှာ ကိုယ်နေပြီး သူများ အလိုလိုက်ရင်း စိတ်မချမ်းမသာ ဖြစ်ရလို့ပါတဲ့။

သူ့ကြောင်နှစ်ကောင်က ဒီကထုံးစံအတိုင်း ဖောင်းဖောင်းအိအိ ထွေးပွေ့ချင်စရာကြီးတွေ။ သူတို့အစားအစာက မြန်မာပြည်က လျက်ဆားလုံးလေးတွေလိုဟာတွေ။ အနံ့ကတော့ ညှီစို့စို့ရယ်။ အစိုစာတွေလည်း ရှိပါတယ်။ ကိုယ်ကတော့ အိမ်ရှင် ပြထားတဲ့ ဘူးထဲကဟာတွေပဲ ကျွေးတယ်။ ကိုယ်က အိမ်ပြန်ရောက်တာ စောရင် ကြောင်တွေက ကိုယ့်နောက် ခုန်ပေါက်လိုက်လာပြီး အစာတောင်းတာကိုး။ ကိုယ့်ဟင်းတွေ ကျွေးကြည့်ဖူးတယ်။ မစားတတ်ဘူး ဆရာ။

တညနေ လက်ဖက်ရည် သောက်ကြရင်း အိမ်ရှင်က သူ့ကြောင်ဋီကာ ဖွင့်ပါတယ်။ ကိုယ်လည်း အကြောင်းတော့ ရှိမယ်ဆိုပြီး နားထောင်နေလိုက်တယ်။ သူက အပြောကောင်းတော့ နားထောင်ရတာ မညည်းဘူး။ သူ့ကြောင်နှစ်ကောင်မှာ အငယ်လေးက ကျောမှာ အမွေးလေးတွေ ပါးနေတယ်တဲ့။ ဒါကို တိရိစ္ဆာန် ဆရာဝန်နဲ့ သေသေချာချာ ပြပြီး သန်ချ၊ သန်းချ အကုန်လုပ်ပြီးလည်း မသက်သာဘူးတဲ့။ သူ့ကြောင်ကို ကိုယ်က ရွံကြောက်နေမှာ စိုးလို့ ရှင်းပြတာ ဆိုတာလည်း ပါသေးတယ်။ ဒါနဲ့ ဆရာဝန်ဆီ ပြန်ပြတော့ ဆရာဝန်က ပြောတယ်၊ သူ့ကြောင်လေးက စိတ်ဖိစီး (stress and anxiety ဖြစ်) နေတာ ဆိုပါရောလား။ အင်းလေ ကြောင်လည်း သွေးနဲ့ကိုယ် သားနဲ့ကိုယ် စိတ်နဲ့ သတ္တ၀ါပဲကိုး။ ပြောသာ ပြောရတာ၊ အဲဒီတုံးကတော့ ရယ်မိသွားတယ်။

သူတို့ သားအမိမှာ ကိုယ့်နား ကိုယ်မယုံနိုင်လို့ အင်တာနက် (ဟောဒီမှာ နမူနာlink) မှာ ရှာဖတ်ကြသတဲ့။ (မြန်မာပြည်က လူနာနဲ့ လူနာရှင်များ မှတ်သားကြပါ။ ဆရာဝန်ပြောတာ နားထောင်လာပေမယ့် မစူးမစမ်း လက်မခံဘူး။ စာတွေ လိုက်ရှာဖတ်တယ်။ ဖတ်စရာကလည်း ရှိသကိုးလေ) ဒီရောဂါ တကယ်ရှိမှန်း သိရလို့ သူတို့ကြောင်ကို သနားမဆုံး ဖြစ်ရသေးသတဲ့။ နောက်မှ အဖြေရှာတွေ့တာက အဲဒီတလောက သူတို့ဘေးအိမ်မှာ မွေးတဲ့ ခွေးက သိပ်ဟောင်လို့ သူ့ကြောင်မှာ သောက ဖိစီးတာတဲ့။ အဲဒီကတည်းက အငယ်မလေးမှာ တခါတခါ ကျရင် သူ့ကျောသူ အခါခါ လျက်တဲ့အကျင့် ရလာတာပဲတဲ့။ သူ့အဖွား (အိမ်ရှင်)ကလည်း အသန့်ကြိုက်တော့ သူတို့ပါ အသန့်ကြိုက်တဲ့ ပုံစံဝင်နေတာ။ စိတ်ဖိစီးတဲ့အခါ ပြေရာပြေကြောင်း သန့်ရှင်းရေးတွေ ဖိလုပ်တော့တာပေါ့နော်။ ကိုယ့်ကျောကိုယ်လျက်နဲ့ ကျောရိုးတလျှောက် အမွေးတွေ ပါးလာတာ။ ကိုယ်လည်း တိရိစ္ဆာန် စိတ်ရောဂါ အထူးကုပါ လုပ်ရကောင်းမလား စိတ်ကူးပေါက်သွားသေး။ ကိုယ့်ဝေဒနာရှင် (လူနာလို့ ခေါ်လို့ မရတော့ဘူး) တွေကလည်း ပွေ့ချင်ဖက်ချင်စရာလေးတွေချည်းနေမှာ ဆိုတော့လေ။

အဲလိုဆိုတော့ ဒီကြောင်လေးတွေ သနားစရာဆိုပြီး စိတ်တွေ မဟားတရား ညွတ်သွားပြီလား။ ဆက်ဖတ်ပါဦး။ ဒီကြောင်နှစ်ကောင်ဟာ ညညဆို အိမ်ပြင်က ခြံသုံးပစ္စည်းထားတဲ့ သစ်သားအိမ်ကလေး (အလုံအခြုံပါ) ထဲမှာ အိပ်ရတယ်။ သူတို့အိပ်ရာက အနွေးအထွေး အကျအနရယ်။ ရေခွက်နဲ့ ဘာနဲ့ အပြည့်အစုံ ထားပေးထားတာပါ။ ဒီလိုမှ အပြင်မထုတ်ရင် မချောလေးနှစ်ကောင်က မနက်လေးနာရီလောက်ဆို တံခါးဖွင့်ခိုင်းတော့ အိပ်ရေးပျက်တာကိုး။ ဒီတော့ လူ့စည်း၊ကြောင့်စည်းနဲ့ လူရှိချိန် လူနိုးချိန်မှာပဲ အိမ်ထဲမှာ နေရတယ် ဆိုပါတော့။ မနက်စောစော အိပ်ရာထချိန်မှာ အိမ်ထဲ ပြန်ဝင်ခွင့်ရပြီး၊ အလုပ်သွားချိန်ဆို အပြင်မှာ ပြန်နေရတယ်။ ကြောင်ဆိုတာက သိတဲ့အတိုင်း သာရာမှာပဲ နေချင်တာဆိုတော့ လစ်ရင် လစ်သလို အိမ်ထဲ ၀င်ရဖို့ ချောင်းနေတာ။ အဲဒီမှာ တစိမ်းဖြစ်တဲ့ ကိုယ်ဟာ သူတို့ရဲ့သားကောင် ဖြစ်တော့တာပဲ။

တခါတလေ ကိုယ်က အလုပ်သွားတာ နောက်ကျလို့ မီးဖိုထဲကစားပွဲလေးမှာ နံနက်စောစာ စားနေရင် သူတို့က ပြတင်းပေါက်မှာ လာထိုင်ပြီး မျက်လုံးရွဲကြီးတွေနဲ့ လာကြည့်နေလေရော။ ကိုယ့်မှာ စားရတာတွေ မြိုလို့တောင် မကျချင်ဘူး။ ဒါပေမယ့် သူတို့အမေနဲ့အဖွားက စည်းနဲ့ကမ်းနဲ့ ထားတာကို သွားဖျက်ရင်လည်း ဘယ်ကောင်းပါ့မလဲ။ နောက် အိမ်ထဲမှာ တနေကုန် ထားခဲ့လို့ အညစ်အကြေးတွေ စွန့်ပြန်ရင်လည်း ပြဿနာ မဟုတ်လား။ ဒါနဲ့ ကိုယ်လည်း မသိချင်ယောင်ဆောင်နေရတာပေါ့။ ဒါလည်း မရဘူး။ သူတို့က နပ်နေပြီ။ အပြင်ကနေ ရန်တွေ့တယ်။ ဓာတ်ပုံမှာ ကြည့်ပါလား။ စွာနေတာပဲ။ လက်နဲ့ ပြတင်းပေါက်ဘောင်ကို ခြစ်သေးတယ်။ ကိုယ့်မှာ သူတို့ရဲ့ စေလိုရာစေ အခိုင်းခံ၊ အငေါက်ခံကို ဖြစ်လို့၊ ရယ်စရာလည်း ကောင်းသား။ ခုနောက်ပိုင်းတော့ အတော်လေး အသည်းမာလာပါပြီ။

ကိုယ်က ဒီလိုဆိုတော့ သူတို့က နောက်တနည်း ပညာပေးပါတယ်။ တနေ့ ကိုယ် ရေသွားချိုးတုံး ကိုယ့်အခန်းတံခါးလေး ဟနေခဲ့တာကို မချောလေးတကောင်က အခွင့်ကောင်းယူပြီး ကိုယ့်အိပ်ယာပေါ် တက်အိပ်နေပါလေရော။ ကိုယ်က ကြောင်သာချစ်တာ၊ အိပ်ယာပေါ်မှာ ကြောင်မွေးတွေ ပွနေတာတော့ မကြိုက်ဘူး။ ကိုယ် မောင်းထုတ်တာ တိုးတိုးလေးပေမယ့် သူ့အမေ ကြားတော့ စိုးရိမ်တကြီး ပြေးလာတယ်။ ကိုယ့်မှာ ကပျာကယာ ရှင်းရတာ။ တော်ကြာ သူ့ကြောင်ကို ရိုက်တယ် ထင်နေမစိုးလို့။ သူက ရယ်ရယ်မောမောနဲ့ပဲ သူ့ကြောင်ကို ပြန်ခေါ်သွားလေရဲ့။ ကိုယ်လည်း အဲဒီနေ့ကစပြီး ကိုယ့်အခန်းတံခါးကို သေသေချာချာ အံကျအောင် ပိတ်ရတယ်။ မဟုတ်ရင် မချောလေးများက တွန်းလည်း ဖွင့်တတ်သေးတာ။ ဒါတောင် တခါတလေ အလစ်မှာ အခန်းထဲ ပြေးဝင်ပြီး ကုတင်အောက်မှာ ပုန်းနေတတ်သေး။ သူတို့ကြောင့် ကိုယ့်မှာ မပျင်းရဘူး။

ဒါကြောင့် ဒီက အဖိုးကြီးအဖွားကြီးတွေ၊ တကိုယ်တည်းသမားတွေ၊ ကလေးမရှိသူတွေ ခွေးတို့ကြောင်တို့ မွေးပြီး သွေးသားရင်းချာလို သဘောထား ရင်းနှီးကြတာ နေမှာ။ ကိုယ်ကတော့ ကြောင် မမွေးသေးဘူး မှတ်တယ်။ တော်ကြာ ကိုယ့်ထက် သူက ခံစားတတ်ပြီး ခဏခဏ စိတ်ဖိစီး သောကများနေမှဖြင့် ကိုယ့်မှာ ဘလော့ဂ်ရေးဖို့ နေနေသာသာ အလုပ်တောင် မသွားနိုင်ပဲ သူ့ပဲ ပြုစုနေရဦးမယ်။ မဖြစ်ပါဘူးလေ။

(ကြောင်ချစ်တတ်သူများအတွက်)

စိတ်ရောဂါကို ကုသခြင်း (၂)

ပြင်ပလူနာဌာနမှာ ကြည့်ရင်းနဲ့မှ မသက်သာဘူး၊ ပိုဆိုးလာတယ် သို့တည်းမဟုတ် လာကတည်းက အရေးပေါ် အန္တရာယ် (risks) ရှိနိုင်တယ်ဆိုတဲ့ လူနာမျိုးကိုတော့ အတွင်းလူနာအနေနဲ့ ကုပါတယ်။ လူနာတစ်ယောက် ဆေးရုံတက်ရပြီဆိုတာ အကြောင်းအမျိုးမျိုးကြောင့် ဖြစ်နိုင်ပါတယ်။ အိမ်တိုင်ယာရောက် လိုက်ကြည့်ပေးတဲ့ Home Treatment Teams တွေ ရှိနေတဲ့ ခေတ်မှာ ဆေးရုံတင်ရပြီဆိုတာက အိမ်မှာ ကုလို့ မရလောက်တဲ့ အခြေအနေကို ရောက်လာလို့ပါပဲ။ စိတ်ဓာတ်ကျရောဂါ သိပ်ဆိုးလာပြီး မစားမသောက်နဲ့ ကျန်းမာရေးကို ထိခိုက်စိုးရိမ်လာရတာမျိုး၊ စိတ်ဓာတ်ကျရောဂါကြောင့်ပဲ မိမိကိုယ်ကို သတ်သေဖို့ အမျိုးမျိုး ကြိုးစားလာတာမျိုး၊ စိတ်ကစဉ့်ကလျားရောဂါ ဖောက်လာလို့ မိသားစုနဲ့ ပတ်ဝန်းကျင်အပေါ် မယုံသင်္ကာစိတ်တွေ များလာပြီး၊ အန္တရာယ် ပြုနိုင်တဲ့ အလားအလာ ရှိလာတာမျိုး စသဖြင့်ပေါ့။ ဒီလိုဆိုရင် အခြေအနေကို ထိန်းသိမ်းဖို့အတွက် ဆေးရုံတင် ကုတာသာ စိတ်အချရဆုံး ဖြစ်ပါတယ်။

လူတွေက စိတ်ရောဂါ အထူးကု ဆေးရုံလို့ ဆိုလိုက်တာနဲ့ တွန့်ကနဲ ဖြစ်သွားကြတာ များပါတယ်။ သမိုင်းကြောင်းအရ “အရူးထောင်” တွေမှာ တစ်သက်တာ သော့ခတ်ထားခံရတာကို စွဲမြင်နေကြတုံးပဲကိုး။ ခုခေတ်မှာတော့ စိတ်ရောဂါကု ဆေးရုံတွေဟာ တခြားဆေးရုံတွေလိုပဲ လူနာ ရောဂါ သည်းတုံး ခဏလာကုတဲ့ နေရာပဲ ဖြစ်ပါတယ်။ ရေရှည်နေစရာ mental asylums တွေ မဟုတ်တော့ပါဘူး။ ဆေးရုံက ဆင်းနိုင်လောက်အောင် သက်သာတာနဲ့ ဆေးရုံက discharge လုပ်ပါတယ်။ ကိုယ့်အိမ်မှာ ကိုယ်ပြန်ပြီး Home Treatment Team နဲ့ ပြင်ပလူနာဌာနတို့ရဲ့ စောင့်ရှောက်မှုနဲ့ ပုံမှန် ပြန်နေနိုင်ပြီ ဆိုပါစို့။ အလုပ်ရှိတဲ့လူလည်း အလုပ်ကို ပြန်ဝင်နိုင်တာပေါ့။

စိတ်ရောဂါ အထူးကု ဆေးရုံတွေဟာ အထွေထွေ ဆေးရုံတွေနဲ့ မလှမ်းမကမ်းမှာ ရှိတတ်ပါတယ်။ ဂိတ်တံခါးတွေ အလုံပိတ်မထားပါဘူး။ မှုခင်းစိတ်ရောဂါ အထူးကု လုံခြုံသော ဆေးရုံ (Forensic Psychiatry - Secure Unit) က လွဲရင်ပေါ့လေ။ အဲဒါကတော့ ပြစ်မှု ကျူးလွန်ထားတဲ့ စိတ်ဝေဒနာရှင်တွေမို့ လုံခြုံအောင် ထားရလို့ပါ။ အကျဉ်းထောင်တွေလိုပဲ စစ်ဆေးရေး အထပ်ထပ်နဲ့ပေါ့။ ကျန်တဲ့ စိတ်ရောဂါ အထူးကု ဆေးရုံတွေကတော့ ပုံမှန်ဆေးရုံတွေလိုပါပဲ။ တံခါးဖွင့်ဝါဒကို ကျင့်သုံးပြီး ဧည့်ချိန်မှာ မိသားစု မိတ်ဆွေတွေ လာတွေ့နိုင်ပါတယ်။ ကလေးတွေတောင် လူနာလာကြည့်နိုင်တယ်ဆိုတော့ စိတ်မချစရာ မရှိလို့ဆိုတာ မှန်းလို့ ရမှာပေါ့။

လူနာတစ်ယောက် ဆေးရုံတက်ပြီဆိုတာနဲ့ တာဝန်ကျ ဆရာဝန်အငယ်နဲ့ သူနာပြုက စနစ်တကျ လက်ခံပါတယ်။ လူနာရဲ့ လတ်တလော ပြဿနာ၊ စိတ်အနေ၊ အန္တရာယ် ဖြစ်နိုင်ချေ စတာတွေကို သေချာစစ်ဆေး မှတ်တမ်းတင်ပါတယ်။ အခြေခံ ကျန်းမာရေး စစ်ဆေးခြင်း (basic physical examination) ကိုလည်း လုပ်ပါတယ်။ သွေးစစ်၊ ဆီးစစ်တာတွေပါ ပါတာပေါ့။ တချို့ တခြားရောဂါအခံကြောင့် စိတ်ရောဂါအနေနဲ့ လက္ခဏာ ပြတာမျိုး၊ မူးယစ်ဆေးဝါး သုံးထားတတ်တာမျိုးလည်း ဖြစ်တတ်လို့ပါ။ ဒါမျိုးကို စိတ်ရောဂါဆေးရုံမှာ တင်ထားပြီး ကုစရာမှ မလိုပဲ။

စိတ်ရောဂါဆေးရုံတွေမှာ များသောအားဖြင့် လူနာဆောင်တွေကို ရပ်ကွက်ဒေသအလိုက် ခွဲတာများပါတယ်။ ဒီမြို့ ဒီအပိုင်းက ဒီအဆောင်၊ ဟိုရွာစုက ဟိုအဆောင် စသဖြင့်ပေါ့လေ။ အသက် (၆၅) နှစ်အထက်တွေကို လူကြီးဆောင်သီးသန့် ပေးထားပါတယ်။ (၁၆) နှစ်အောက်တွေအတွက်က အထူးကုဆေးရုံ သတ်သတ် ရှိပါတယ်။ လူနာဆောင်တစ်ခုကို ပျမ်းမျှခြင်း လူနာ (၂၀) ထက် မပိုပါဘူး။ များသောအားဖြင့် တစ်ယောက်တစ်ခန်း ရပါတယ်။ အခန်းထဲမှာ မွေ့ရာကုတင်၊ ကုတင်ဘေးစားပွဲနဲ့ ကုလားထိုင်၊ အ၀တ်ဘီဒို၊ မျက်နှာသစ်ဘေစင်တို့ ပါတတ်ပါတယ်။ ရေချိုးခန်း အိမ်သာကတော့ မျှသုံးရပေမယ့် တစ်ဆောင်ကို လေးငါးခုတော့ ရှိပါတယ်။ ကိုယ့်အိမ်ကိုယ့်ယာ မဟုတ်သည့်တိုင် သက်တောင့်သက်သာ နေလို့ ရတာပေါ့။ (အဆောင်ထဲမှာ အရမ်း သောင်းကျန်း အော်ဟစ်နေတဲ့ လူနာ မရှိဘူး ဆိုရင်ပေါ့လေ)

စိတ်ရောဂါ အထူးကု ဆေးရုံကို ရောက်သွားရင် လူနာတွေ လျှောက်သွားနေတာ တွေ့ရပါမယ်။ သူတို့က ကိုယ်ကာယအားဖြင့် ကျန်းမာနေတာကိုး။ ဒီလူနာတွေကို တစ်ပတ်မှာ တစ်ခါ စိတ်ရောဂါ အထူးကု အတိုင်ပင်ခံ ဆရာဝန်ကြီး (Consultant Psychiatrist) က ကြည့်ပါတယ်။ Clinical Review Meeting တစ်နည်းအားဖြင့် Ward Round ပေါ့။ ကိုယ်ခန္ဓာပိုင်းဆိုင်ရာ ရောဂါတွေမှာလို တစ်နေ့တစ်ကြိမ် ဆရာဝန်က လာကြည့်နေတာမျိုး မဟုတ်ပါဘူး။ နေ့တိုင်းကြည့်နေရင် လူနာလည်း စိတ်ရှုပ်၊ ဆရာဝန်လည်း ပြောင်းလဲမှုကို သတိမပြုမိနဲ့ ဘယ်သူမှ အကျိုးမရှိပါဘူး။ စိတ်ရောဂါရဲ့ ပြောင်းလဲတိုးတက်မှုက ပုံမှန်အားဖြင့် နှေးလို့ပါ။ တစ်နေ့တစ်ခါ ဆေးတွေ ပြောင်းနေဖို့လည်း မလိုအပ်၊ မသင့်တော်ပါဘူး။

Ward Round ဆိုရာမှာ လူနာက ကုတင်ပေါ်မှာ နေပြီး ဆရာဝန် သူနာပြုများက တိုင်းခန်းလှည့်လည်သလို လျှောက်ကြည့်တာမျိုးလည်း မဟုတ်ပါဘူး။ လူနာနဲ့ လူနာရှင် (လူနာက သူ့မိသားစု သို့မဟုတ် မိတ်ဆွေကို သူ့ရောဂါ ကုသနေမှုမှာ ပါဝင်ပတ်သက်စေချင်တယ် ဆိုရင်ပေါ့လေ) ကို Ward Round လုပ်တဲ့ အခန်းထဲ ဖိတ်ပြီး ဆွေးနွေးတာပါ။ တစ်ခါမှ မကြုံဖူးသူအတွက်ကတော့ နည်းနည်း ရင်တုန်စရာပေါ့။ လူအများကြီး ရှိနေတတ်လို့ပါပဲ။ များဆို ဆရာဝန်ကိုက အနည်းဆုံး နှစ်ယောက်၊ သူနာပြု၊ Occupational Therapist, Social Worker, Community Psychiatric Nurse စသဖြင့် လူနာရဲ့ ကုထုံးမှာ ပါဝင်ပတ်သက်သူများ တက်ရောက်တာကိုး။ အကြောင်းစုံ ဆွေးနွေးဖလှယ်ကြတဲ့ နေရာပေါ့။ လူနာကိုလည်း ရှင်းပြပါတယ်။

သိပ်ဖောက်နေတဲ့ Intensive Treatment Unit (ITU) ထဲက လူနာဆိုရင်တော့ တစ်ပတ်တစ်ခါ Ward Round အပြင် တစ်နေ့တစ်ခါ ကြည့်ဖို့ပါ လိုအပ်ပါတယ်။ အနည်းဆုံး ဆရာဝန် အငယ်လေးက သွားစစ်ဆေးပြီး အကြီးတွေကို တင်ပြအကြံတောင်းရတယ်ပေါ့။ သူတို့က နေ့စဉ်နဲ့အမျှ ပြောင်းလဲတတ်လို့ပါ။

ဟုတ်တယ်၊ စိတ်ရောဂါကုဆေးရုံမှာလည်း အထူးကြပ်မတ်ကုသဆောင် (ITU) ရှိပါတယ်။ ဒါကတော့ သော့ခတ်ထားတဲ့ အဆောင်ပါ။ လူနာတွေကို သူတို့ရဲ့ လူ့အခွင့်အရေးကို ချိုးဖောက်ပြီး သူတို့ဆန္ဒကို ဆန့်ကျင်ပြီး ဆေးကုတဲ့ ဒီလို အခြေအနေမျိုးမှာ ဥပဒေနဲ့အညီ ဆောင်ရွက်တာမို့ လူနာရော၊ ဆရာဝန်သူနာပြုများပါ အကာအကွယ် ရပါတယ်။ လုပ်ချင်တိုင်း လုပ်တာ မဟုတ်ပါဘူး။ ဒီအကြောင်းကို အရင်ပို့စ်တစ်ခုမှာ အသေးစိတ် ရှင်းပြဖူးပါတယ်။ (ဒီမှာ ဖတ်ကြည့်ပါ) လုပ်ထုံးလုပ်နည်းတွေကို အမြဲ ကြီးကြပ်စစ်ဆေးနေတဲ့ စိတ်ရောဂါနှင့် ပတ်သက်သော ဥပဒေဆိုင်ရာ အရာရှိတွေလည်း ရှိပါတယ်။ (ရှေ့နေ မဟုတ်ပါဘူး)

ဒီအထူးကြပ်မတ် ကုသဆောင် (ITU) တွေဟာ လူနာနည်းနည်းပဲ လက်ခံပြီး လူနာနဲ့ သူနာပြု အချိုးအဆ များပါတယ်။ လူနာဖောက်လာရင် ထိန်းနိုင်အောင်လို့ပါ။ လူနာတွေ ဖောက်လာရင် တော်ရုံလောက်ကတော့ နှုတ်အားဖြင့် ရှင်းပြသတိပေးတာနဲ့ လုံလောက်သွားတာပဲ။ သေသေချာချာ ရှင်းပြရင် လူနာကလည်း နားထောင်ပါတယ်။ သိပ်ကို လူမှန်း မသိအောင် ဆိုးနေရင်တော့ အရေးပေါ်ဆေး တိုက်တာပေါ့။ များသောအားဖြင့် ဒိုင်ရာဇီပင်မျိုးနွယ်ထဲက အသေးစားအပြင်းစားလေးကို သုံးပါတယ်။ ချက်ချင်းလိုလို စိတ်ငြိမ်သွားစေလို့ပါ။ ဒါပေမယ့် ဒါဟာ အရမ်းစွဲစေလို့ (ဒီမှာ ဖတ်ပါ) ယာယီနဲ့ အရေးပေါ်အတွက်ပဲ သုံးပါတယ်။ မရရင် စိတ်ဖောက်ပြန်မှု တုံ့ပြန်ဆေး (anti-psychotic) တစ်မျိုးကိုပါ ပေးပါတယ်။ လူနာကို ဆေးသောက်ဖို့ ဘယ်လိုမှ နားချလို့ မရရင်တော့ ထိုးဆေး သုံးပါတယ်။ သောက်ဆေးကို ဘယ်လိုမှ လက်မခံမှပါ။ လူနာတစ်ယောက်ကို ဆေးထိုးရမယ်ဆို သူနာပြု ငါးယောက်လောက် အရန်သင့် ရှိပါတယ်။ ချုပ်နှောင်ဖို့ မဟုတ်ပါဘူး။ လူနာ မရုန်းအောင် အသာထိန်းပေးဖို့ပါ။ ဆေးထိုးတာကို ဆရာဝန် လုပ်စရာ မလိုပါဘူး။ သူနာပြုများ ကောင်းကောင်း ကျွမ်းကျင်တဲ့ အလုပ် ဖြစ်ပါတယ်။

တချို့ဆေးရုံတွေမှာ တစ်ယောက်တည်း သီးသန့်ထားတဲ့ အခန်း (seclusion room) တွေ သုံးပါသေးတယ်။ ကျွန်မတော့ တစ်ခါမှ မကြုံခဲ့ပါ။ မြန်မာပြည်မှာတော့ တိုက်ပိတ်တယ်လို့ ခေါ်တယ် ထင်တယ်။ (ထောင်က အသုံးအနှုန်းလားတော့ မသိဘူး) စိတ်ရောဂါကုဆေးရုံမှာ အရမ်းကို သောင်းကျန်းနေတဲ့၊ သူ့ကိုယ်သူရော သူများကိုပါ အန္တရာယ် ပြုနိုင်တဲ့ လူနာမျိုးကို လူနာဆောင်ထဲမှာ ဒီတိုင်းထားလို့ မဖြစ်နိုင်တော့ရင် တိုက်ပိတ်တယ် ဆိုပါတော့။ လေးနာရီခြားတစ်ခါ ပြန်စစ်ရပါတယ်။ အခြေအနေ ကောင်းတာနဲ့ ရိုးရိုး လူနာဆောင်ထဲကို ပြန်လွှတ်ပေးတာပေါ့။

ဒီလိုနဲ့ ဆေးရုံမှာ နေတုံး လိုအပ်တဲ့ ဆေးအချိန်အဆ၊ အခက်အခဲ ဖြေရှင်းနည်း၊ လွတ်လပ်စွာ နေထိုင်နိုင်ရေး အထောက်အကူများ စသဖြင့်ကို သက်ဆိုင်ရာ ၀န်ထမ်းတွေက လူနာနဲ့ လာတွေ့ပြီး စနစ်တကျ ရှင်းပြပေးပါတယ်။ စိတ်ငြိမ်အောင် အသက်ရှူ လေ့ကျင့်နည်း၊ မိမိကိုယ်ကို ယုံကြည်စိတ် တိုးပွါးအောင် လေ့ကျင့်နည်း၊ ပန်းချီ/လက်မှုပညာဖြင့် စိတ်ဖြေဖျောက်နည်း စသဖြင့် လူနာရဲ့ လိုအပ်ချက်ပေါ် မူတည်တဲ့ အုပ်စုလိုက် လှုပ်ရှားမှုတွေလည်း ရှိပါတယ်။ ကာယကြံ့ခိုင်ရေးအတွက် အခြေခံ အားကစားရုံ basic gymnasium လည်း ရှိပါတယ်။ ပုဂ္ဂလိကဆေးရုံတွေမှာတော့ ပိုတောင် ကောင်းပါသေးသတဲ့။

လူနာတစ်ယောက် တကယ်တမ်း ဆေးရုံက ဆင်းနိုင်လောက်အောင် ကောင်းဖို့ဆိုရင် ရက်သတ္တပတ် အတော်များများ ကြာတတ်ပါတယ်။ မလိုပဲနဲ့တော့ ဆေးရုံမှာ အကြာကြီး မထားပါဘူး။ ဆေးရုံမှာ တစ်ရက် ကုန်ကျစားရိတ်ဟာ (အခန်းခ၊ စားစရိတ်၊ ဆရာဝန်ခ၊ သူနာပြုခ၊ ဆေးဖိုး အလုံးစုံ ပေါင်းလိုက်ရင်) ပေါင် နှစ်ရာနဲ့သုံးရာကြား ရှိပါတယ်။ ဒါကို လူနာက ပေးစရာ မလိုပါဘူး။ ပြည်သူ့အခွန်နဲ့ လည်ပတ်တဲ့ အမျိုးသား ကျန်းမာရေး ၀န်ဆောင်မှုစနစ်က ပေးပါတယ်။ အလကား ရတယ်ပဲ ဆိုပါစို့။ (အလုပ်လုပ်သူ လူတန်းစားကတော့ ကိုယ်ပေးထားတဲ့ အခွန်တွေရဲ့ အသီးအပွင့် ပြန်ခံစားရတဲ့ သဘောပေါ့လေ)

ဆေးရုံက မဆင်းခင် လူနာတစ်ယောက်ကို ခွင့်ပေးပြီး အိမ်ကို အစမ်း ပြန်ခိုင်းတတ်ပါတယ်။ စိတ်ချရအောင်လို့ပါ။ ပြဿနာ ရှိရင်လည်း ချက်ချင်း ဆေးရုံပေါ် ပြန်လာလို့ ရအောင်ပေါ့။ ဒါကို တစ်ပတ်နှစ်ပတ်အတွင်း တဖြည်းဖြည်း လုပ်ကြည့်လို့ အောင်မြင်ရင် ဆေးရုံက ဆင်းစေပါတယ်။ အိမ်ပြန်ရောက်သွားတဲ့ လူနာကို အိမ်ထိသွားကြည့်တဲ့ သူနာပြုက ဆက်ကူညီ စောင့်ရှောက်တယ်ပေါ့။ ဆရာဝန်ကလည်း ပြင်ပလူနာဌာနကို ခေါ်ပြီး ပုံမှန် ကြည့်ပါတယ်။ တစ်ခါကောင်း ဖြစ်တဲ့ စိတ်ရောဂါမျိုးဆိုရင် ကောင်းသွားပြီ ဆိုတာနဲ့ စိတ်ရောဂါ အထူးကု ဌာနရဲ့ လက်အောက်ကနေ လုံးလုံးလျားလျား discharge လုပ်ပါတယ်။ သူ့နဂို General Practitioner (GP) ဆီ ပြန်ရောက်သွားပြီး တစ်ပတ်လည် သွားတာပေါ့။ ရေရှည် စောင့်ကြည့်ရမယ့် လူနာတွေကိုတော့ caseload မှာ ဆက်ထားပါတယ်။ ပုံမှန် စောင့်ကြည့်ခြင်းရဲ့ အကျိုးက ရောဂါ ဖောက်တော့မယ့် ရှေးဦးလက္ခဏာတွေကို အစောဆုံး သိနိုင်တော့ စောစော ကုနိုင်၊ မြန်မြန် ပျောက်နိုင်တာပါပဲ။

ဒါလောက်ဆို စိတ်ရောဂါဆိုတာ တခြားရောဂါတွေလိုပဲ ကုလို့ ရတဲ့ရောဂါဆိုတာ သိသာလောက်ပြီလို့ ထင်ပါတယ်။ စိတ်ရှည်စွာ ဖတ်သွားတာ ကျေးဇူးတင်ပါတယ်။

ဖြည့်စွက်ချက်။ ။မြန်မာပြည်မှာတော့ စိတ်ရောဂါ ကုသရေးမှာ ဆရာဝန်ပဲ အဓိက မဏ္ဍိုင်အနေနဲ့ ရှိနေသေးတယ်လို့ နားလည်ပါတယ်။ တခြားဝိုင်းဝန်းသူ ကျန်းမာရေး ၀န်ထမ်းတွေ သိပ်မရှိသေးပါဘူး။ ဒါကို စိတ်ဓာတ်ကျစရာလို့ မမြင်ပါနဲ့။ လူနာရှင် (မိသားစုဝင်) တွေကို ကောင်းကောင်း ပညာပေးနိုင်ရင် သူတို့က ကျန်းမာရေးဝန်ထမ်းတွေလိုပဲ လူနာအပေါ် အကျိုးပြု စောင့်ရှောက်နိုင်တာမို့ အဖိုးတန်ပါတယ်။ လုပ်နေလက်စလေးတွေကိုပဲ ပိုစနစ်ကျအောင် ပြင်ပေးလိုက်ရင် လုပ်ရသလောက် ပိုအကျိုးရှိ အရာထင်ပြီး အလုပ်ဖြစ်မယ်လို့ မြင်ပါတယ်။ မှားကောင်းမှားမယ်။ သို့သော် ဒီအပေါ်မှာ ဆင့်ပွါးဆွေးနွေးဖို့နဲ့ လက်တွေ့ကျတဲ့ အကြံဥာဏ်များ ဝေမျှဖို့ ဖိတ်ခေါ်ပါတယ်။

စိတ်ရောဂါကို ကုသခြင်း (၁)

စိတ်ရောဂါကို ကုတဲ့နေရာမှာ တခြားရောဂါတွေ ကုသလိုပဲ ပြင်ပလူနာ၊ အတွင်းလူနာ ဆိုတာ ရှိပါတယ်။ စိတ်ရောဂါ အထူးကုဆီ သွားလိုက်တာနဲ့ “အရူး” လို့ သတ်မှတ်ခံရပြီး “အရူးထောင်”မှာ တစ်သက်တာ သော့ခတ်ထားခံရတော့မယ်လို့ လူများစုက မသိသား ဆိုးရွားစွာ ထင်တတ်ကြပါတယ်။ (ဒီအသုံးအနှုန်းတွေကို ကျွန်မ အလွန် စက်ဆုပ်ပါတယ်။ ဒါဟာ ဝေဒနာ ခံစားနေရတဲ့ လူနာတွေနဲ့ ဆက်စပ်သုံးစွဲစရာ ဝေါဟာရတွေ မဟုတ်ပါဘူး) အနာနဲ့ဆေး တွေ့နိုင်ရေးမှာ အဟန့်အတား ဖြစ်တဲ့ ဒီအယူအဆမှားကို ဒီနိုင်ငံမှာတောင် တိုက်ဖျက်နေရတုံးပါ။ ကုသင့်တာကု၊ ပျောက်သင့်တာပျောက်၊ ပုံမှန်ဘ၀ ပြန်ရောက်နိုင်ကြဖို့က အဓိက မဟုတ်လား။ ဒီကိစ္စနဲ့ ပတ်သက်ပြီး ယူကေက အခြေခံ အဆောက်အဦနဲ့ လုပ်ထုံးလုပ်နည်းလေးတွေအကြောင်း ပြောပြချင်ပါတယ်။ ဟိုးအစကနေ ပြောမှ ဇာတ်ရည်လည်မယ် ထင်တယ်။

လူတစ်ယောက်ဟာ တစ်နေရာမှာ နေထိုင်ပြီ ဆိုတာနဲ့ သူနေတဲ့ ရပ်ကွက်ရဲ့ အထွေထွေ ဆရာဝန် ဆေးခန်း (General Practitioner's Surgery) တစ်ခုခုမှာ သွားပြီး မှတ်ပုံတင် ရပါတယ်။ (US မှာတော့ Family Medicine Clinic လို့ ခေါ်မယ် ထင်တယ်) ဒီလို လူနာတစ်ယောက် မှတ်ပုံတင်တဲ့အခါ အစိုးရက GP ကို သတ်မှတ်ထားတဲ့ ငွေပမာဏတစ်ခု ချပေးပါတယ်။ ဒါကို လိုသလို သုံးပေါ့။ မှတ်ပုံတင်ပြီးရင် ဆေးစစ်ဖို့ ဆေးခန်းက သူနာပြုနဲ့ တွေ့ရပါတယ်။ လိုအပ်တဲ့ အခြေခံ ကျန်းမာရေးစစ်တမ်းနဲ့ သွေး၊ ဆီး နမူနာ ယူပြီး စစ်ဆေးတာပါပဲ။ နောက် ဆရာဝန်နဲ့ တွေ့ဖို့ ရက်ချိန်း ယူရတယ်။ ရောဂါ မရှိတဲ့၊ သာမန် လူနာသစ်ဆို တွေ့ချိန် ဆယ်မိနစ်လောက်ပဲ ရပါတယ်။ ဆရာဝန်က ပုံမှန် စစ်ဆေးပြီး Baseline data ယူလိုက်တဲ့ သဘောပေါ့။ ဒါဆို National Health Service မှာ နာမည်ပေါက်သွားပြီ။ ဆေးကုလို့ ရသွားပြီ ဆိုပါတော့။ မကြာခင်မှာ အိမ်ကို NHS registration number ပါတဲ့ NHS card စာတိုက်ကနေ ရောက်လာမယ်။

ယူကေမှာ GP တွေဟာ ပဏာမ ကျန်းမာရေး ကဏ္ဍ (Primary Care) ရဲ့ မဏ္ဍိုင်တွေ ဖြစ်ပါတယ်။ အခရာ အဓိက ရှေ့တန်းလုပ်သားတွေပေါ့။ အစိုးရက အားပေးပါတယ်။ အလုပ်လည်း သိပ်များတယ်။ လူနာတွေ တန်းစီကြည့်ရတာပဲ။ စာရင်းဇယား စနစ်ကောင်းတော့ ဆယ်မိနစ်ဟာ တော်ရုံကိစ္စအတွက် လုံလောက်ပါတယ်။ GP တွေကို အစိုးရက နှစ်စဉ် targets တွေ ချပေးထားတယ်။ ဆီးချိုရောဂါရှင် ဘယ်နှစ်ယောက်ကို ကျောက်ကပ် ပျက်စီးမှု စစ်ပြီး ဖြစ်ရမယ်၊ သားအိမ်ခေါင်း ကင်ဆာရောဂါ စစ်ဆေးခြင်း (cervical smear) ဘယ်လောက် ယူထားရမယ် စသဖြင့်။ အစိုးရက ပြည်သူ့ကျန်းမာရေး ပညာရှင်တွေ အပါအ၀င် ဆေးပညာရှင်တွေနဲ့ တိုင်ပင်ပြီး ကျန်းမာရေး ရည်ရွယ်ချက် လုပ်ငန်းစဉ်တွေကို ပုံမှန် ချမှတ်၊ အသစ်ပြောင်းလေ့ ရှိပါတယ်။ ပြီးရင်လည်း ဘယ်လောက် ထိရောက်လဲ တိုင်းတာပါတယ်။ ပြည်သူ့ဘဏ္ဍာကို သုံးတာမို့ ဖြေရှင်းရ၊ အကြောင်းပြရတာပေါ့။ လုပ်ချင်သလို လုပ်ခွင့် မရှိဘူး။ ပြည်သူက တင်မြှောက်ထားပြီး ပြည်သူ့အတွက် တာဝန်ယူ စောင့်ရှောက်တဲ့ အစိုးရကိုး။

လူနာတစ်ယောက် နေမကောင်းဘူးဆိုရင် GP ဆီပဲ သွားရပါတယ်။ အရေးပေါ် နာကျင်မှု၊ ထိခိုက်မှုနဲ့ သွေးထွက်သံယိုက လွဲရင်ပေါ့။ GP surgery တွေက မနက် ရှစ်နာရီကနေ ညနေ ခြောက်နာရီထိ ဖွင့်ပါတယ်။ ခုနောက်ပိုင်း တချို့ ဆေးခန်းတွေက အလုပ်လုပ်သူတွေ အဆင်ပြေအောင် ည ရှစ်နာရီလောက်ထိ ဖွင့်ပေးတဲ့ရက် ရှိပါတယ်။ စနေနေ့ဝက်လည်း ဖွင့်ပေးလာကြတယ်။ ကိုယ်ကိုယ်တိုင် ဆရာဝန် ဖြစ်နေလည်း ကိုယ့်ဖာသာကိုယ် ဆေးလက်မှတ်ရေး ကုလို့ မရပါဘူး။ ရေးမယ်ဆိုရင်တော့ ရပါတယ်။ ဒါပေမယ့် Pharmacy ရောက်တဲ့အခါ Pharmacist ရဲ့ ယဉ်ကျေးစွာ စစ်ကြောခြင်းကို ခံရတာပါပဲ။ သူက မေးခွင့် ရှိတယ်လေ။ ဆေး (အထူးသဖြင့် ပဋိဇီဝဆေး antibiotics) တွေကို အရမ်းကာရော လျှောက်သုံးနေရင် ဆေးယဉ်တာ၊ ဆေးမတိုးတာတွေ ဖြစ်လာနိုင်ပြီး အပ်နဲ့ထွင်ရမှာကို ပေါက်ဆိန်နဲ့ ပေါက်ရတဲ့ အဖြစ်မျိုး ရောက်သွားမှာပေါ့။ “ငါ ဆရာဝန်ပဲ။ လာလျှာရှည် မနေနဲ့” လို့ ဟောက်လိုက်လို့ကတော့ ပြဿနာ တက်ပြီသာမှတ်။ သူ့တာဝန် သူလုပ်တာကို သွားနှောက်ယှက်တာကိုး။ Zero tolerance policy နဲ့ တွေ့သွားမယ် (၀န်ထမ်းများအပေါ် နှုတ်အားဖြင့် ရိုင်းပျခြင်း၊ ကိုယ်ထိလက်ရောက် စော်ကားခြင်းကို သည်းမခံပါဘူး။ သက်ဆိုင်ရာဌာနက တာဝန်ယူ စောင့်ရှောက်ပါတယ်)

GP က သူ ကုနိုင်တာ သူ ကုတယ်။ မနိုင်ဘူး ထင်တာတွေ၊ အထူးကုရဲ့ ကျွမ်းကျင်မှု လိုတာတွေကို ဒုတိယအဆင့် (Secondary Care) ကို လွှဲပါတယ်။ ဆေးရုံက ဘာသာရပ်ဆိုင်ရာ အထူးကုများဆီကိုပေါ့။ ဥပမာ လူကြီးရောဂါ အထူးကု၊ ကလေးအထူးကု၊ အမျိုးသမီးရောဂါ အထူးကု၊ စိတ်ရောဂါ အထူးကု စသဖြင့်။ ဒီအထူးကုတွေကမှ နောက်ထပ် အထူးအထူးကု (super-specialist) တွေဆီ လိုအပ်ရင် ထပ်လွှတ်ပါတယ်။ ဒါက တတိယအဆင့် (Tertiary Care) ပါ။ ဥပမာ အိပ်စက်ခြင်းဆိုင်ရာ ရောဂါများ အထူးကုဌာန (Sleep and related disorders clinic)

ဒုတိယအဆင့်မှာ GP referral ရပြီးရင် ဆေးရုံထိုင် အထူးကုများက ဒီလူနာကို ပြင်ပလူနာစာရင်းမှာ ဘယ်လောက်စောစော ကြည့်ရမလဲ ဆုံးဖြတ် ထည့်သွင်းပါတယ်။ အရေးကြီးရင် ကြီးသလို စောစောခေါ်ကြည့်ရတာပေါ့။ စိတ်ရောဂါ အထူးကု ဆေးရုံကတော့ ပြင်ပလူနာသစ်တစ်ယောက်ကို တစ်နာရီ အချိန်ပေးပါတယ်။ အစအဆုံး မေးမြန်းစစ်ဆေးရလို့ပါ။ (ပုံမှန် စားပွဲ+ကုလားထိုင်နဲ့ပဲ ထိုင်ပြီး မေးတာပါ။ Sigmund Freud လို၊ Basic Instinct 2 ထဲကလို လူနာက ကုလားထိုင်ရှည်ကြီးမှာ လဲလျောင်းပြီး တွေးမိတွေးရာတွေ ပြောတာကို ဆရာဝန်က သရုပ်ခွဲတာမျိုး မဟုတ်ပါဘူး) ဒီ appointment ကို လူနာက အကြောင်းမကြားပဲ ပျက်ကွက်ခဲ့ရင် တချို့ team တွေက တခါတည်း discharge လုပ်ပါတယ်။ အလုပ်များတဲ့ team မှာ တခြားလူနာ တစ်ယောက် ရနိုင်တဲ့ အခွင့်အရေးကို လာဖြုန်းလို့ပါ။ ပိုက်ဆံ မပေးရတဲ့ စနစ်မှာ ဒါလေးတွေ ရှိပါတယ်။ အချိန်ကို တန်ဖိုး မထားတတ်တာပေါ့။ အလကား ရနေတာကိုး။ တချို့ team ကတော့ ဒုတိယအကြိမ် outpatient appointment ထပ်ပေးပါတယ်။ ခု နောက်ပိုင်းတော့ ဒါမျိုး ရှားလာပါပြီ။ စောင့်ဆိုင်းနေရတဲ့ လူနာတွေ ရှိတော့ Waiting list ကို မြန်မြန် ဖြိုဖို့ လိုသေးတယ်လေ။

ဒီနေရာမှာ team တွေကြား လူနာကို ဘယ်လို ခွဲလဲ ဆိုတာ ပြောပြချင်သေးတယ်။ အတိုင်ပင်ခံ ဆရာဝန်ကြီး (Consultant) တစ်ယောက်ဟာ ပျမ်းမျှ လူဦးရေ ၁၅၀၀၀-၂၀၀၀၀ ကို တာဝန်ယူရပါတယ်။ (လူနာဦးရေ မဟုတ်ဘူးနော်) လောလောဆယ်စနစ်မှာ ဒါကို GP ပေါ် မူတည်ပြီး ခွဲပါတယ်။ Consultant တစ်ယောက်ဟာ ဒီနယ် သို့မဟုတ် မြို့အပိုင်းက GP surgeries ဘယ်နှစ်ခုက လာသမျှ လွှဲစာ(referrals) တွေကို တာဝန်ယူမယ် ဆိုတာမျိုးပေါ့။ သူ့လက်အောက်မှာ သင်ယူဆဲ တပည့် ဆရာဝန် အငယ် (junior trainee doctor) တစ်ယောက် ပုံမှန် ရှိတတ်ပါတယ်။ အောက်ခြေသိမ်း လုပ်ရတဲ့ သာဝကလေးပေါ့။ ပိုကြီးတဲ့ team တွေကတော့ အတွေ့အကြုံရှိ အလတ်တန်းစား အလုပ်မျှဝေသူ ဆရာဝန် (service-providing middle grade doctor) တစ်ယောက်ပါ ရှိပါတယ်။ ဒါက သူ့ဆုံးဖြတ်ချက် သူ ချနိုင်တဲ့ ၀ါရင့်တွေ များပါတယ်။ Consultant အတွေ့အကြုံ ရင့်ရင်ရင့်သလို သူ့ဆီမှာ လာဆည်းပူးတဲ့ အဆင့်မြင့်တပည့် (higher grade trainee) တစ်နည်းအားဖြင့် consultant ဖြစ်ဖို့ သင်ယူနေသူ တစ်ယောက်လည်း အလှည့်ကျ ရှိတတ်ပါသေးတယ်။ ဒီလို team တစ်ခုကို အထောက်အကူပြုတဲ့ community teams (standard/ crisis resolution), hosptial-based multi-disciplinary teams တွေ ရှိပါတယ်။ Psychiatric nurses (ward-based/ community-based), Occupational Therapist, Physiotherapist, Social Worker တွေ ပါတာပေါ့။ ကိုယ့်တာဝန် ကိုယ် ခွဲလုပ်ကြရပါတယ်။

လူနာတိုင်းကို outpatient အနေနဲ့ လက်ခံပြီး ကြာရှည်ဆွဲ ကြည့်တာ မဟုတ်ပါဘူး။ တချို့က GP ပဲ ကောင်းကောင်း ဆက်ကြည့်လို့ ရနိုင်တဲ့ ရိုးရိုးရှင်းရှင်း စိတ်ဓာတ်ကျရောဂါ (uncomplicated depression) လိုမျိုးဆိုရင် လူနာနဲ့ GP ကို လိုအပ်တာလေး ရှင်းပြညွှန်ကြားပေးပြီး outpatient list ကနေ discharge လုပ်ပါတယ်။ ဒီလို မဟုတ်တဲ့ ခက်ခဲနေတဲ့၊ တိုးတက်မှု မရှိတဲ့ ရောဂါ ဆိုရင်တော့ အချိန်အပိုင်းအခြားနဲ့ ပြန်ခေါ်ကြည့်ပါတယ်။ တစ်ပတ်၊ နှစ်ပတ်ကနေ ခြောက်လထိ ခြားပြီး ရက်ချိန်းပေးပါတယ်။ ဆေးပေးရင် ဆေးကို တုံ့ပြန်မှု ဘယ်လို ရှိလဲ၊ ဆေးမပေးသေးရင်လည်း မပေးပဲ နေရင် ဘာဖြစ်မလဲ သိရအောင် စောင့်ကြည့်ခြင်း monitoring ပေါ့။ လိုအပ်ရင် crisis resolution team, home treatment team တွေရဲ့ ပံ့ပိုးမှု ရယူနိုင်ပါတယ်။ သူတို့က လူနာကို အိမ်အရောက် သွားကြည့်စောင့်ရှောက်တယ်ပေါ့။ လူနာက ဆေးသောက်စရာလည်း မလိုတော့ဘူး၊ ကောင်းလည်း ကောင်းလာပြီဆိုရင်တော့ GP ဆီကို discharge လုပ်တာပါပဲ။ နောက်လိုမှ ပြန်လွှဲ re-refer လုပ်ပေါ့။ Intake ရှိသလို output ရှိမှ team တစ်ခု ထိထိရောက်ရောက် လည်ပတ်နိုင်မှာကိုး။

လူနာတစ်ယောက်ကို ဘယ်နှစ်ကြိမ်ပဲ ကြည့်ကြည့် လူနာနဲ့ တွေ့တိုင်း GP ဆီကို စာရေးအကြောင်းကြားရပါတယ်။ လူနာရဲ့ မူလပိုင်ရှင် ဆရာဝန်က GP ကိုး။ သူ့လူနာကို ဘာလုပ်လိုက်လဲ သူ့ကို ပြောရမယ်။ ဒါမှ သူက ဆေးစာ ဆက်ရေးပေးမှာပါ။ နောက်ပိုင်း အမျိုးသား ကျန်းမာရေးစနစ် တစ်ခုလုံး all computerised လုပ်ဖြစ်ရင်တော့ ဒီလိုစာတွေ ပို့ဖို့ လိုချင်မှ လိုတော့မယ်။ အချက်အလက်အသစ်တွေကို computer network system မှာ အသိပေးလိုက်၊ ရှာကြည့်လိုက်ရုံပဲကိုး။ ဒါကို National Health Service ကြီးတစ်ခုလုံးမှာ လုပ်ဖို့က အတော် မလွယ်တဲ့ ကိစ္စပါ။ NHS ဟာ ကမ္ဘာပေါ်မှာ တရုတ်စစ်တပ်နဲ့ အိန္ဒိယ မီးရထားဌာန ပြီးရင် တတိယ အကြီးဆုံး အဖွဲ့အစည်း ဖြစ်နေလို့ပါပဲ။ Computer ကို အားကိုးရတာ ကောင်းသလို၊ တစ်ခုခု မှားသွားရင် (hack အလုပ်ခံရရင်၊ data file တွေ ပျောက်သွားရင်) confidentiality လူနာအကြောင်း ကိုယ်ရေးကိုယ်တာ အချက်အလက်တွေ ပေါက်ကြားနိုင်တဲ့ ပြဿနာ ရှိပါတယ်။ ထားပါတော့။

Hospital specialist နဲ့ GP ကြား communication ကောင်းကြပါတယ်။ ဒါနဲ့ ဆက်စပ်ပြီး ပြောရရင်တော့ မှတ်တမ်းမှတ်ရာ စာရွက်စာတမ်းတွေက အတော် များပါတယ်။ ဆေးရုံမှာ သိမ်းထားတဲ့ လူနာမှတ်တမ်း ဖိုင်တွဲကြီးထဲမှာ အသေးစိတ် မှတ်တမ်းတင်ရတယ်။ နောက်နောင် လိုအပ်ရင် medico-legal document အဖြစ် သုံးမှာ ဖြစ်လို့ အရေးကြီးတဲ့ အချက်တွေကို အဓိက ဂရုစိုက်ရတာပေါ့။ လူနာတစ်ယောက်ကို ကြည့်ပြီးတိုင်း dictaphone လို့ ခေါ်တဲ့ ကက်ဆက်အသေးလေးထဲမှာ ကိုယ် ရေးချင်တာကို အသံသွင်းပေးရတယ်။ ဒါကို medical secretary က စာပြန်ရိုက်ပါတယ်။ လူနာသစ်ဆိုရင် ဒီလို စာတစ်စောင်ဟာ ပျမ်းမျှခြင်းအားဖြင့် A4 size paper သုံးမျက်နှာ ရှည်လျားတယ်။ (တခြားဘာသာရပ် ဆရာဝန်တွေရဲ့ စာတွေထက် အနည်းဆုံး နှစ်ဆ ပိုရှည်တယ် ဆိုပါတော့) စိတ်ဆရာဝန်များ လျှာရှည်တယ်လို့ ဆိုကြတာ ဒါတွေကြောင့် ပါပါတယ်။ သို့သော် စိတ်ရောဂါမှာ အဓိက investigation က သွေးဖောက်၊ ဓာတ်မှန်ရိုက်ခြင်း မဟုတ်ပဲ လူနာနဲ့ စကားပြောခြင်း၊ စောင့်ကြည့်ခြင်းကို အခြေခံတာမို့ ဒီလို တရှည်တဝေး ရေးရခြင်း ဖြစ်ပါတယ်။

ဆက်လက် ရေးသားပါမယ်။ ကြာကောင်း ကြာနိုင်ပါတယ်။ သည်းခံကြပါ။

စိတ်ဆရာဝန်နှင့် တွေ့ဆုံခြင်း (၃)

“ ကျွန်မရဲ့ ထင်မြင်ချက်ကို ပြောရမလား”

“ ပြောပါ။ ကျွန်တော်တို့ အရှိအတိုင်းပဲ သိချင်ပါတယ်။ အကြံပေးတာကိုလည်း လိုက်နာပါ့မယ်”

“ ရှင် ဖြစ်နေတာ အလယ်အလတ်စား စိတ်ဓာတ်ကျရောဂါပဲ။ အရင်ကတည်းက အခံလေး ရှိတယ်။ အလုပ်ဖိအားကြောင့် သိသိသာသာ ဖြစ်လာတယ်။ ဖြစ်နေတဲ့ စိတ်သောကကို မမျှဝေတတ်တော့ အတွင်းမှာ အောင်းပြီး ပိုဆိုးလာတာပေါ့။ ဒီလို ပြောတာ ရှင့်ဖြစ်ရပ်ကို ထင်ဟပ်တယ်လို့ ခံစားရသလား”

“ မှန်တာပေါ့ဗျာ။ ကျွန်တော်တို့က ဒါကို တတ်ကျွမ်းနားလည်သူ မဟုတ်ပေမယ့် အင်တာနက်မှာတော့ ရှာကြံဖတ်ရှုမိပါတယ်”

“ အင်တာနက်ဟာ အင်မတန် ကောင်းတဲ့ ဗဟုသုတ ဟင်းလေးအိုးကြီးပါပဲ။ စိတ်ချယုံကြည်ရတဲ့ ဆိုတ်တွေကို ရွေးတတ်ရင်ပေါ့လေ။ မဟုတ်လို့ကတော့ သညာအမှားတွေ ရပြီး အန္တရာယ်ပဲ”

“ ဟုတ်ပါတယ်။ ကျွန်တော် နားလည်သလောက်က စိတ်ဓာတ်ကျ တန်ပြန်ဆေးတွေ (anti-depressants) က ကောင်းသလို စကားပြောကုထုံးများ (talking therapies) ကလည်း အသုံးတည့်မလားလို့”

“ အနုစား စိတ်ဓာတ်ကျရောဂါတွေမှာ ဆေးမသောက်သေးပဲ စကားပြောကုထုံးနဲ့ ကုရင်လည်း ရပါတယ်။ ဘေးထွက်ဆိုးကျိုး မရှိဘူး။ နည်းနည်းတော့ ကြာနိုင်တယ်။ စကားပြောကုထုံး ကျွမ်းကျင်သူ therapist နဲ့ တွေ့ဖို့ စောင့်ရတာလည်း ရှိသေးတာကိုး။ အပြင်မှာ Private therapy ယူရင်လည်း ရတာပဲ။ ဘာနဲ့မှ မကုပဲလည်း သူ့အလိုလို ပျောက်သွားနိုင်သေးတယ်။ ပျမ်းမျှခြင်း ကိုးလလောက်တော့ ကြာတတ်တယ်။ ဒီကြားထဲ ဆိုးမလာဘူးလို့ ဘယ်သူမှ အာမမခံနိုင်သလို ဒီရောဂါ လက္ခဏာတွေကို ရှင် ဘယ်လောက် ဆက်ခံစားချင်၊ ခံစားနိုင်မလဲ ဆိုတာတော့ ရှင့်ဆုံးဖြတ်ချက်ပဲပေါ့”

“ ကျွန်တော် ဘာလုပ်ရင် ကောင်းမလဲ မသိဘူး”

“ ရှင်က အလတ်စား စိတ်ဓာတ်ကျရောဂါလေ။ ဆေးလည်း သောက်လက်စ ဖြစ်နေပြီ။ စဉ်းစားပေါ့။ ဆေးက သောက်တဲ့သူတိုင်း ရလဒ်ကောင်း (ရောဂါ သက်သာ ပျောက်ကင်းခြင်း) ရတာတော့ မဟုတ်ဘူး။ ၆၀-၆၅% ပျောက်ကင်းနှုန်း ရှိတာမို့ ဆေးသောက်သူ သုံးယောက်မှာ နှစ်ယောက်က သက်သာမယ်။ တစ်ယောက်ကတော့ ဆေးမတိုးတဲ့ သဘောပေါ့။ response rate ကောင်းတဲ့ ဆေးမျိုးထဲမှာတော့ ပါတယ်“

“ ကျွန်တော်များ အဲဒီ ၃၅% ထဲ ပါနေပြီလား ဒေါက်တာရေ”

“ ကျွန်မကတော့ ဒီလို မထင်ပါဘူး။ ရှင်က ဆေးမှန်မှန် သောက်တယ် ဆိုပေမယ့် ဆေးစွမ်းအင်က အနိမ့်ဆုံးကိုပဲ စမ်းကြည်ဖူးသေးတယ်လေ။ ဆေးပြင်းအား dose ကို မြှင့်လို့ ရသေးတယ်။ နောက်ထပ် မှတ်ချက်တွေ မချခင်၊ ဆေးတွေ လျှောက်မပြောင်းခင် ဒါကို ပထမ ဦးစားပေး လုပ်ကြည့်သင့်တယ်။ နောက်တစ်ခုက အရက် သောက်တဲ့ ကိစ္စ။ အရက်ကို တစ်ပတ်လုံးမှာမှ ၂၁ ယူနစ် (ဘီယာဆို ဆယ်ပိုင့်၊ ၀ိုင်ဆို ဆယ့်လေးဖန်ခွက်) ပဲ အများဆုံး သောက်သင့်တယ်ဆိုတာ အများသိကြတဲ့အတိုင်းပဲလေ။ ဒါတောင် ဆေးသောက်နေသူဆိုရင် သိသိသာသာ လျှော့ သို့မဟုတ် ရပ်နိုင်ရင် ပိုကောင်းတယ်။ အရက်က အသည်းကို ပိုအလုပ်ပေးတော့ အသည်းအင်ဇိုင်းတွေက ဆေးတွေကို မြန်မြန် ချေဖျက်ပစ်လိုက်တာနဲ့ ဆေးအာနိသင် လျော့ကုန်ရော။ ဆေးသောက်လျက်နဲ့ အကျိုး မခံစားရဘူးပေါ့”

“ ဒါကို ကျွန်တော် မသိခဲ့ဘူးဗျ။ ဒီလိုဆို ကျွန်တော် လျှော့နိုင်ပါတယ်။ အင်း ဖြတ်တောင် ဖြတ်လို့ ရတယ်”

“ ဖြတ်နိုင်ရင်တော့ အကောင်းဆုံးပဲ။ ဒါဆို ဆေးပြင်းအားကို မမြှင့်သေးဘူး။ ဒီတိုင်းပဲ ဆက်သောက်ဦး။ အရက် ဖြတ်လိုက်ရင် ဆေးအာနိသင် ရှင် သိလာနိုင်တယ်။ ကျွန်မတို့က မလိုပဲ ဆေးပြင်းအားကို မတင်လိုဘူး။ ဘေးထွက်ဆိုးကျိုးတွေရော ရှင် ခံစားရဖူးလား။ များသောအားဖြင့်တော့ အစာလမ်းကြောင်းဆိုင်ရာ လက္ခဏာတွေ ရတတ်တယ်။ ပျို့တာ၊ သိပ်ဆိုးရင် အန်တာ၊ ဗိုက် မကောင်းဖြစ်တတ်တာ၊ ၀မ်းချုပ် သို့မဟုတ် ၀မ်းပျက်တတ်တာ စသဖြင့်။ နောက်ပြီး sexual side effects (လိင်မှုဆိုင်ရာ ဘေးထွက်ဆိုးကျိုး)တွေ ရကောင်း ရနိုင်တယ်။ ဥပမာ ခံစားချက်သိမှု လျော့သွားတာ၊ ကာမဆန္ဒ နည်းသွားတာ၊ ဆက်ဆံဖို့ မစွမ်းနိုင်တာ အထိ ဖြစ်နိုင်ချေ ရှိတယ်။ ဒီလောက်ထိ ဖြစ်တဲ့ ရာခိုင်နှုန်းတော့ နည်းပါတယ်။

ဆေးဗူးထဲမှာပါတဲ့ စာရွက်လေးကို ဖတ်ကြည့်ရင်တော့ ရှိရှိသမျှ အကုန်ရေးထားတာပဲ။ ဆေးကုမ္ပဏီတွေကလည်း ဥပဒေကြောင်း လိုအပ်ချက်အရ ရှိသမျှ ဘေးထွက်ဆိုးကျိုးတွေကို ကြေညာရတာကိုး။ ရေးထားတိုင်း ကိုယ့်မှာ ဖြစ်ရမယ်တော့ မဟုတ်ဘူး။ ဖတ်တော့ ကြည့်သင့်တယ်။ ဒါမှ ဘယ်လို လက္ခဏာကို စောင့်ကြည့်ရမယ်ဆိုတာ သိမှာ။ side effects တွေက လူတိုင်းမှာ ဖြစ်တာ မဟုတ်လို့ အရမ်းကြီး စိတ်ပူစရာ မလိုဘူး။ ဖြစ်ခဲ့ရင်တော့ ခပ်ပျော့ပျော့နဲ့ ရေတိုပဲ ဖြစ်တတ်ပါတယ်။ သိပ်ဆိုးရင်တော့ ဆေးကို ရပ်ဖို့ လိုတာပေါ့။ ရှင်က ခုချိန်ထိ ဘာမှ မဖြစ်ခဲ့တာမို့ ခုမှ အသစ် ထဖြစ်မှာတော့ မဟုတ်ဘူး။ ဆေးပြင်းအား တိုးမယ်ဆိုရင်တော့ side effect ရကောင်းရနိုင်တယ်။ ခုပြောတာ နောင်အတွက် လိုကောင်းလိုမယ် ဆိုပါတော့။ ကျွန်မပြောတာကို ဒီအထိ ရှင်းလား။ ဘာမေးချင်သလဲ”

“ ရှင်းပါတယ်။ ကျွန်တော် သောက်လက်စ ဆေးကိုပဲ ဆက်သောက်လို့ ရမယ်ဆို ကောင်းတာပေါ့။ ဆက်သောက်မယ်ဗျ။ ဒါနဲ့ ဆေးအကြောင်း ဖတ်စရာ စာရွက်စာတမ်းလေးများ ရနိုင်မလား။ ဖတ်ကြည့်ချင်လို့ပါ”

“ ရနိုင်တာပေါ့။ ဒါပေမယ့် ခုလောလောဆယ် ကျွန်မမှာ မရှိဘူး။ မနက်ဖြန် စာတိုက်ကနေ ပို့ခိုင်းလိုက်မယ်။ မရှင်းတာ၊ နောက်ထပ် သိချင်တာ ရှိရင် နောက်တစ်ခါ ပြင်ပလူနာ ရက်ချိန်းမှာ မေးပါ။ မဟုတ်ရင်လည်း ဆေးရုံဖုံးနံပါတ်ကို ဆက်ပါ။ ကျွန်မတို့ team ရဲ့ အတွင်းရေးမှူးက ကျွန်မဆီကို သတင်းပို့ပေးပါလိမ့်မယ်။ ဆေးရုံချိန် (၉နာရီမှ ၅ နာရီ) ပြင်ပမှာ အရေးကြီးရင်တော့ အရေးပေါ် crisis team သို့မဟုတ် ရှင့်ရဲ့ ဆရာဝန် (GP) ကို ဆက်သွယ်ပါ။ လိုမယ်တော့ မထင်ဘူး။ ရှင့်မှာ အကြီးအကျယ် ပူရမယ့် ရောဂါ လက္ခဏာတွေမှ မရှိတာ။ ဒီလို ပြောလို့ ရှင်ခံစားနေရတာတွေကို အသိအမှတ် မပြုဘူး မထင်ပါနဲ့။ professional opinion အားဖြင့်ကြည့်ရင် ကောင်းတယ်၊ ကောင်းဖို့ လွယ်တယ်လို့ ပြောချင်တာပါ”

“ တော်ပါသေးရဲ့ဗျာ။ ကျွန်တော်တို့မှာ ဆေးသောက်လျက်နဲ့ မကောင်းနိုင်လို့ စိတ်ပူနေတာ။ ခုလို တတ်ကျွမ်းနားလည်သူက ပြောလိုက်တော့ အားတက်သွားတယ်။ ကျေးဇူးတင်လိုက်တာ”

“ ဟုတ်ပါတယ် ဒေါက်တာရယ်။ ကျွန်မမှာလည်း စိတ်မအေးနိုင်ဘူး။ သူ ကောင်းကောင်း နေမကောင်းရင်တော့ ဆေးရုံများ အကြာကြီး တက်နေရမလား။ မိသားစု စားဝတ်နေရေးပါ ထိခိုက်တော့မလားဆိုပြီး စိတ်ညစ်နေတာ။ ကျေးဇူးတင်တာ အရမ်းပဲ”

“ မလိုပါဘူးရှင့်။ ကျွန်မရဲ့အလုပ်ကို ကျွန်မ လုပ်တာပါ။ လူနာအတွက် အကျိုးရှိတယ်ဆို ကျွန်မရဲ့ အချိန်တွေ ပေးရကျိုးနပ်တာပါပဲ။ ဆေးရုံကို မလိုပဲနဲ့ မတင်ပါဘူး။ လူနာတွေကို ကိုယ့်အိမ်မှာပဲ ကိုယ်နေစေပြီး ကုပါတယ်။ ဒီတော့ ဒီဆေးကိုပဲ ဒီ dose အတိုင်း ဆက်သောက်ပါ။ လနဲ့ချီသောက်ရမယ်။ စွဲစေတဲ့ သတ္တိ မရှိဘူး။ ရှင်က တခြားဆေးတွေလည်း သောက်မနေလို့ drug interactions အတွက်လည်း ပူစရာ မလိုဘူး။

နေမကောင်းခင်က ပင်ကိုယ် စိတ်အနေနဲ့ အလုပ်လုပ်နိုင်စွမ်းကို ပြန်ရောက်တဲ့အချိန်ကျရင် ဆေးရပ်ဖို့ကို ဆွေးနွေးမယ်လေ။ အဲဒီအချိန်ကနေ အနည်းဆုံး ခြောက်လတော့ ဆေးဆက်သောက်ရမယ်။ သေသေချာချာ ကောင်းသွားတာ အရှိန်ရ၊ အခြေခိုင်သွားအောင်လို့။ ရောဂါပြန်ဖြစ်နှုန်း (relapse rate) နည်းအောင်လို့ပါ။ ကိုယ့်သဘောနဲ့ကိုယ် မရပ်ပါနဲ့။ Withdrawal symptoms (ရုတ်တရက် ရပ်ခြင်းကြောင့် တုံ့ပြန်လက္ခဏာများ) ရကောင်းရနိုင်တယ်။ ကျွန်မတုိ့က လူနာတွေကို မလိုပဲ ဆေးမပေး၊ ရေရှည်ဆွဲမကုပါဘူး။

နောက်လေးပတ်မှာ တိုးတက်မှု ရှိ/မရှိ ပြန်ကြည့်မယ်။ Follow-up appointment မို့ တစ်နာရီတော့ မဟုတ်တော့ဘူး။ မိနစ်နှစ်ဆယ်ပဲ ရမယ်။ ဒါဟာ ဆွေးနွေးစရာတွေအတွက် လုံလောက်တဲ့ အချိန်ပါ။ မေးချင်တာလေးတွေ စာရင်း လုပ်လာခဲ့ပေါ့။ Talking therapy အကြောင်း ရှင်းပြတဲ့ စာစောင်လည်း ပို့ပေးလိုက်မယ်။ နောက်တစ်ခါလာတဲ့အခါ ဒီကိစ္စကို ဆက်ဆွေးနွေးပြီး လိုအပ်ရင် လွှဲစာ (referral) ပါ ရေးတာပေါ့”

“ သိပ်ကောင်းတဲ့ အကြံပဲ။ ကျွန်တော်တို့ကို စိတ်ရှည်လက်ရှည် အချိန်ပေး မေးမြန်းဖြေကြားပေးတာ ကျေးဇူးတင်ပါတယ်”

“ My pleasure! နောက်လေးပတ်မှာ တွေ့မယ်လေ”

ဖြည့်စွက်ချက်။ ။ယူကေရဲ့ အမျိုးသား ကျန်းမာရေး ၀န်ဆောင်မှု National Health Service စနစ်ဟာ အစိုးရက ထောက်ပံ့တဲ့ စနစ် ဖြစ်ပြီး ပြည်သူ့ဘဏ္ဍာငွေ (Taxpayers' money) ကနေ ပေးတာ ဖြစ်ပါတယ်။ ဒါကို ပြည်သူတွေက ပေးတဲ့ အခွန်အတုတ် (tax) နဲ့ အမျိုးသား အာမခံ (National Insurance) က ရပါတယ်။ ဆေးလက်မှတ်တစ်စောင်ကို ဘယ်လောက်တန်ဖိုးရှိတဲ့ ဆေးဖြစ်ဖြစ် လူနာက 7.20 Pounds Sterling ပဲ ကျခံရပါတယ်။ ဆေးဆိုင်ကျမှ ပေးရတာပါ။ ကျန်တာကို အစိုးရက စိုက်ပါတယ်။ ဆရာဝန်တွေကို NHS က လခပေးထားပြီးသားပါ။ ဆေးကုမ္ပဏီတွေနဲ့ ဆရာဝန်အကြား ဆက်ဆံပတ်သက်မှုကို စည်းမျဉ်းစည်းကမ်းတွေနဲ့ ကန့်သတ်မှုတွေ အများကြီး ရှိပါတယ်။ Promotional materials တွေဆို စာရေးကိရိယာတွေပဲ အဓိက ပေးပါတယ်။ Conference sponsorship တွေ ဘာတွေဆိုရင် စာနဲ့ အတိအကျ ရေးပြီး သွားလိုခြင်း ရည်ရွယ်ချက်၊ မျှော်လင့်သော အကျိုး စသဖြင့် အသေးစိတ်တွေ ပါလာပါတယ်။ အလွယ်တကူ မမေးမမြန်း မပေးပါဘူး။ ဆရာဝန်တွေ အရမ်းကာရော အနိုင်ကျင့်၊ အကျင့်ပျက်လို့ မရဘူးပေါ့။ ဆေးလက်မှတ်ရေးရင် ဆရာဝန်အားလုံးလိုလိုက ဆေးရဲ့ မူလဓာတုအမည် generic name ကိုပဲ ရေးပါတယ်။ ကုမ္ပဏီက ပေးတဲ့ သီးသန့် commercial name ကို ရှောင်ပါတယ်။ ဆေးလက်မှတ်ကို လူနာက ကြိုက်တဲ့ ဆေးဆိုင် (Qualified Pharmacist တွေပဲ ဆေးဆိုင် ဖွင့်ခွင့် ရှိပါတယ်) မှာ သွားဝယ်နိုင်ပါတယ်။ Pharmacist က ဆေးကို ကြည့်ပြီး သူ့ဆီ လာသွင်းထားတဲ့ ကုမ္ပဏီရဲ့ဆေးကို ရောင်းလိုက်တာပဲ။ ဒါကို မကြိုက်ရင် လူနာက ဆိုင်ပြောင်း ၀ယ်လို့ ရပါတယ်။ လူနာက ပေးတဲ့ လက်ဆောင်ဆို 25 Pounds Sterling တန်ဖိုးထက် ကျော်ရင် ဌာနကို သတင်းပို့ရပါတယ်။ ယူခွင့်လည်း မရှိပါဘူး။ ( ဒီတန်ဖိုးဟာ လူနှစ်ယောက် တော်ရုံ စားသောက်ဆိုင် အလတ်စားမှာ ထမင်းနဲ့ ဟင်းနှစ်ပွဲ မှာစားရုံလောက်ပဲ ရှိပါတယ်) လူနာတွေ အများစုက နှုတ်အမူအရာအားဖြင့် ကျေးဇူးတင်ကြောင်း အသိပေးတာ များပါတယ်။ သိပ်ကျေးဇူးတင်မှ Thank You Card ဒါမှမဟုတ် ဖွဲ့နွဲ့ရေးထားတဲ့ စာတိုစာရှည် ဒါမှမဟုတ် ချောကလက်ဗူးလောက် ပို့လေ့ရှိပါတယ်။ ဆရာဝန်တွေကလည်း ကဒ်ပြားလေးတွေ၊ စာလေးတွေကိုပဲ တခုတ်တရ သိမ်းပြီး ပီတိပွါး ကျေနပ်ကြပါတယ်။ Portfolio (တစ်နှစ်တာ လုပ်ဆောင်မှု မှတ်တမ်း) မှာ ထည့်တဲ့သူကလည်း ထည့်တယ်ပေါ့။ Annual review နဲ့ ဆရာဝန် အငယ်အလတ်တွေကို ကြီးကြပ်ပြီး Revalidation နဲ့ ဆရာဝန်ကြီးတွေကို ဆန်းစစ်ဖို့ အစီအစဉ်တွေ ရှိပါတယ်။ အခြေခံ အဆောက်အဦ (Infrastructure) တွေ အခြေကျနေခြင်းနဲ့ လိုအပ်သလို စောင့်ကြည့် ပြုပြင်ခြင်း (monitoring and modification) ရဲ့ အသီးအပွင့်တွေလို့ ဆိုနိုင်ပါတယ်။

မအားလို့ နည်းနည်း ကြာသွားတယ်။ စောင့်ဖတ်တာ ကျေးဇူးတင်ပါတယ်။

နုသွဲ့

စိတ်ဆရာဝန်နှင့် တွေ့ဆုံခြင်း (၂)

“ David ပြောသွားတာအပေါ် Sharon အနေနဲ့ ဘာများ ထပ်ဖြည့်ပြောချင်သလဲ”

“သူပြောသွားတာတွေ အတိုင်းပါပဲ။ ကိုယ်က ဘေးလူဆိုတော့ ပိုမြင်တာလေးတွေ ရှိတာပေါ့။ ဥပမာ သူ အရင်ကလို ဆုံးဖြတ်ချက်တွေ မပြတ်သားတော့ဘူး။ တွေတွေဝေေ၀နဲ့။ နောက်ပြီး စကား အထအနတွေလည်း ကောက်လာသလိုပဲ။ ဘာမဟုတ်တာလေးနဲ့ ထပြီး ငြင်းချင်ငြင်းနေရော။ အရင်က ဒီလို လုံးဝ မဟုတ်ဘူး။ ခုဆို ကျွန်မမှာ တခုခု ပြောဖို့ ဆနေရတယ်။ ကြက်ဥခွံပေါ် လမ်းလျှောက်နေရသလိုပဲ။ စိုးရိမ်နေမိတာ။ မလိုအပ်ပဲ စကား မများချင်လို့။ သူ့ကိုလည်း စိတ်သောက မဖြစ်စေချင်ဘူးလေ။ ခုလို ပြောတာ စိတ်မရှိပါနဲ့ David ”

“ ကိုယ် နားလည်ပါတယ်။ ကိုယ့်ဖာသာ ကိုယ်လည်း ထင်တော့ ထင်နေတာ။ ထုတ်မေးမလို့။ ခုလို ပြောပြတာ ကျေးဇူးပဲ Sharon ”

“ နောက်တစ်ခုကတော့ ခုနောက်ပိုင်း အိမ်ထောင်ရေးသုခ မရှိတော့ဘူး။ သူ စိတ်မပါပဲ ဖြစ်နေတတ်တာ သတိထားမိတယ်။ ကျွန်မတို့ မအိပ်ဖြစ်တာ လနဲ့တောင် ချီနေပြီ။ ဒါပေမယ့် loss of libido (ကာမဆန္ဒ လျော့ပါးခြင်း) ဟာ စိတ်ဓာတ်ကျသူတွေမှာ ဖြစ်တတ်တယ်ဆိုတာ ကျွန်မ သိထားပါတယ်။ သူ ကျွန်မကို မချစ်တော့လို့ မဟုတ်ဘူးဆိုတာလည်း သိပါတယ်။ ဒါပေမယ့် သိပ်လိုလားဖွယ် ကိစ္စတော့ မဟုတ်ဘူးရှင့်”

“ဟုတ်ပါတယ်။ တခြားရောဂါလက္ခဏာတွေရော၊ ဒီလက္ခဏာပါ ဝေဒနာရှင်နဲ့ အနီးကပ်သူတွေအတွက် အတော် ခံရခက်မယ် ဆိုတာ စာနာကြည့်လို့ ရပါတယ်။ အိမ်ထောင်ဖက်က နားလည်မှု ရှိတော့ ကောင်းတာပေါ့။ သို့တစေ လွယ်ကူတဲ့ ကိစ္စတော့ မဟုတ်ဘူးဆိုတာ သဘောပေါက်ပါတယ်။ ကျန်တာလေးတွေ ဆက်ဆွေးနွေးကြရအောင်”

“ ရှင် ဒီဇာတိပဲလား David?”

“ မဟုတ်ဘူးဗျ။ ကျွန်တော့်ကို မြောက်ပိုင်း အိုင်ယာလန်မှာ မွေးတာ။ နောက်မှ အင်္ဂလန်ဖက် ပြောင်းလာတာ”

“ ကလေးဘ၀ကို ဘယ်လို မှတ်မိပုံဖော်မလဲ”

“ ပျော်စရာပဲ။ ကျွန်တော်တို့မိဘတွေက စက်ရုံဝန်ထမ်း လခစားတွေဆိုတော့ မပိုလျှံကြဘူး။ ချို့တဲ့တယ်။ ဒါပေမယ့် သားသမီးကို ဦးစားပေးတယ်။ ချစ်တာကို ပြတတ်တယ် ပြောရမှာပဲ။ ဒါပေမယ့် ကျွန်တော် ငယ်ငယ်က အကြီးနှစ်ယောက်နဲ့ အသက် နည်းနည်း ကွာတော့ တစ်ယောက်တည်း ကစားဖြစ်တာ များတယ်”

“ အနိုင်ကျင့်ခံရတာ (being bullied) ရှိခဲ့ဖူးလား။ စိတ်အားဖြင့်၊ ကိုယ်အားဖြင့်၊ သို့မဟုတ် sexual abuse? ”

“ အလယ်တန်းကျောင်း ပြောင်းခါစက သူငယ်ချင်း သိပ်မရှိသေးခင် အတန်းကြီးတစ်စုရဲ့ ပစ်မှတ် ဖြစ်ဖူးတယ်။ ကျွန်တော် ငယ်ငယ်က အရပ် ကလန်ကလားနဲ့ လူကြားထဲမှာ သိသာနေတာကိုး။ သူတို့က ကျွန်တော့်ကို အော်ဟစ်နောက်ပြောင် အရှက်ရအောင် အတော်လုပ်ခဲ့တယ်။ နောက် ကျွန်တော် သူငယ်ချင်းတွေ ရလာတော့ သူတို့ ငြိမ်သွားတယ်။ ကိုယ်ထိလက်ရောက် physical abuse တို့ sexual abuse တို့တော့ မကြုံခဲ့ရပါဘူး”

“ အဲဒီနောက်ပိုင်း သူများနဲ့ ဆက်ဆံရေး ဘယ်လို ရှိသလဲ”

“ ဘာမှ ထူးထူးထွေထွေ မဖြစ်ပါဘူး။ ပုံမှန် သူငယ်ချင်း အသိုင်းအ၀ိုင်း ရှိပါတယ်”

“ ကျောင်းထွက်တော့ ရှင့်အသက် ဘယ်လောက် ရှိပြီလဲ။ ကောလိပ် ဆက်တက်ဖြစ်လား”

“ ၁၆ နှစ်မှာ အထက်တန်း အောင်တယ်။ ကောလိပ်မှာ လျှပ်စစ်ပညာ ဆက်သင်ပြီး နှစ်နှစ်ကြာတော့ ခုအလုပ်ကို ရောက်တာပဲ။ သြော် မေ့လို့၊ အရင် အလုပ်တစ်ခု လုပ်သေးတယ်။ ခြောက်လလောက်ပဲ ကြာတယ်။ မကြိုက်လို့ ပြောင်းခဲ့တာ”

“ ဒါဆို ဒီအလုပ်မှာ ဆယ့်ငါးနှစ်လောက် ရှိပြီပေါ့။ အဆင်ပြေလား”

“ ပြေတယ် ဆိုရမှာပဲဗျ။ မန်နေဂျာရော၊ လုပ်ဖော်ကိုင်ဖက်တွေရော နားလည်မှု ရှိကြတယ်။ အချင်းချင်း ယိုင်းပင်းတာ များတော့ စည်းလုံးတဲ့ စိတ်ဓာတ်လေး ရှိနေတယ်”

“ ခုလောလောဆယ် အလုပ်နားထားလား”

“ ကျွန်တော့် GP က ဆေးခွင့်လေးပတ် ရေးပေးထားတယ်။ ဖြစ်နိုင်ရင်တော့ အမြန်ဆုံး ပြန်သွားချင်တာပေါ့”

“ မောင်နှမ ဘယ်နှစ်ယောက် ရှိလဲ။ သူတို့နဲ့ ဆက်ဆံရေးက ဘယ်လို ရှိလဲ”

“ အမတစ်ယောက်၊ အကိုတစ်ယောက် ရှိတယ်။ အမက ခြောက်နှစ် ကြီးတယ်။ အကိုက လေးနှစ် ကြီးတယ်။ ပုံမှန် အဆက်အသွယ် ရှိပါတယ်။ အမမိသားစုနဲ့ အဖေအမေတို့က အိုင်ယာလန်မှာပဲ။ ခရစ်စမတ်မှာတော့ ကျွန်တော်တို့ သွားဆုံလေ့ရှိတယ်။ အကိုမိသားစုကတော့ တောင်ပိုင်းမှာပါ”

“ ရှင်တို့ အိမ်ထောင်ကျတာ ဘယ်လောက် ကြာပြီလဲ”

“ ကျွန်တော့်အသက် နှစ်ဆယ်ကဆိုတော့ ဆယ့်လေးနှစ်ပေါ့”

“ ကလေး ရှိလား”

“ သမီးနှစ်ယောက် ရှိတယ်။ ရှစ်နှစ်နဲ့ ငါးနှစ်။ လိမ်မာကြပါတယ်။ ကျောင်းစာလည်း လိုက်နိုင်ကြတယ်”

“ အိမ်တွင်းသောက ရှိသလား။ ငွေရေးကြေးရေး၊ အိမ်ကြွေး (mortgage) စသဖြင့်”

“ Sharon က အိမ်မှာနေပြီး ကလေးထိန်းတဲ့ child minder ပါ။ နှစ်ယောက်ပေါင်း ၀င်ငွေလေးနဲ့ လောက်ငပါတယ်။ အပိုတွေတော့ အရမ်း မသုံးနိုင်ဘူးပေါ့။ မဆိုးဘူးလို့ ကိုယ့်ဖာသာတော့ ထင်ခဲ့တာပဲ။ ခု စီးပွါးပျက်ကပ်မှာတော့ ရေရှည် ဘယ်လို ရှိမယ် မပြောတတ်သေးဘူး”

“ ဒီကိစ္စက ရှင့်ကို ဘယ်လောက်ထိ ပူပန်စေလဲ”

“ အရမ်းကို ပူပန်စေတာပေါ့။ ကျွန်တော့် မိသားစုလေးက ကျွန်တော့်ကို အဓိက မှီခိုနေရတာလေ။ ကျွန်တော် အလုပ် အဆင်မပြေရင် အားလုံး ဒုက္ခရောက်ကုန်မှာ”

“ အလုပ်မှာ သတိပေး သင်္ကေတ နိမိတ်တွေ ပြေးနေပြီမို့လား”

“ အလုပ်ရှင်ကတော့ ကျွန်တော့် ကျွမ်းကျင်မှုကို တန်ဖိုးထားတယ် ပြောတာပဲ။ ဒါလည်း ကျွန်တော်ကတော့ ပူတုံးပဲ။ ပုဂ္ဂလိက စီးပွါးရေး လောကမှာ လုပ်ငန်းကို ကယ်ဆယ်ဖို့ လူတွေကို ရက်စက်ရတာတွေ အကြိမ်ကြိမ် မဟုတ်လား”

“ သက်သေ သက္ကာရ ရှိတာထက် ပိုပြီး ပူပန်နေတာလို့ ရှင့်ကိုရှင် မထင်ဘူးလား”

“ တခါတလေတော့လည်း တကယ့်ကို ဖြစ်လာတော့မှာလို့ကို ယုံကြည်မိတာဗျ။ များသောအားဖြင့်တော့ ဒါ မဖြစ်နိုင်ပါဘူးလို့ ကိုယ့်ကိုကိုယ် နားချလို့ ရပါတယ်”

“ တခြား ရောဂါတွေ ရှိလား။ တခြားဆေးတွေ သောက်နေရလား”

“ မရှိ၊ မသောက်ရပါဘူး”

“ ဆေးမတည့်တာ ရှိလား”

“ သိသလောက်တော့ မရှိပါဘူး”

“ ကိုယ့်ကိုကိုယ် ဘယ်လိုလူလို့ ပြောမလဲ။ နေကောင်းနေတုံးက ဘယ်လိုလဲ ဆိုတာလေး သရုပ်ဖော်ပြပါဦး”

“ အခက်ဆုံး မေးခွန်းပဲဗျ။ ဘယ်လို ပြောရမလဲ။ ကိုယ့်ကိုကိုယ်တော့ အေးအေးဆေးဆေးသမားလို့ ထင်မိတာပဲ။ ကူညီနိုင်သလောက် ကူညီတတ်တယ်။ စကား သိပ်အများကြီး မပြောတတ်ဘူး”

“ ဘ၀မှာ အခက်ခဲဆုံး အချိန်ဆိုတာမျိုး ကြုံခဲ့ပြီလား။ ဘယ်လို ရင်ဆိုင်ကျော်ဖြတ်ခဲ့လဲ”

“ အခက်ခဲဆုံးရယ်လို့ မဟုတ်ပေမယ့် ခက်ခဲခဲ့တာလေးတွေတော့ ရှိခဲ့တယ်ဗျ။ ကျွန်တော်က စကား သိပ်ပြောလေ့ မရှိတော့ ပိုလို့တောင် ငြိမ်ကျသွားတတ်သေး”

“ အရေးအကြောင်းဆို ဘယ်သူနဲ့ တိုင်ပင်တတ်သလဲ”

“ ကျွန်တော့်မှာ သူငယ်ချင်းတွေ ရှိပေမယ့် အတွင်းကျကျ ပြောဆိုတိုင်ပင်လေ့ရှိတဲ့ အနီးကပ် သူငယ်ချင်း မရှိဘူးဗျ။ အဲလိုအချိန်မျိုးမှာ တစ်ယောက်တည်း ဖြစ်သွားတတ်တယ်”

“ အိမ်ထောင်ဖက်နဲ့ရော”

“ ပြောလေ့ သိပ်မရှိဘူးဗျ။ ကျွန်တော်က အုံ့ပုန်းသမား”

“ ဟုတ်တယ်၊ သူက မြုံစိစိနဲ့။ ကျွန်မကပဲ လိုက်မေးနေရတာ။ ခုဆို ပိုဆိုးတာပေါ့”

“ ၀ါသနာပါရာ hobbies များ ရှိသလား”

“ ထူးထူးထွေထွေ မရှိပါဘူး။ တခါတလေ သူငယ်ချင်းတွေနဲ့ bowling သွားတတ်တယ်။ သွားခဲပါတယ်”

“ ခုလောလောဆယ် စိတ်အနေ (mood) ကို ဘယ်လောက်လို့ သတ်မှတ်မလဲ”

“ ဗျာ”

“ တစ်က စိတ်ဓာတ် အောက်ဆုံးကို ကျနေပြီး တစ်ဆယ်က အရမ်းပျော်တာ ဆိုရင် ရှင့်စိတ်က ဘယ်လောက်မှာလို့ ပြောမလဲ”

“ နှစ် သုံးလောက်ထက် မများဘူးဗျ”

“ ရှင့်ကို ရှင် နေကောင်းတယ်လို့ ထင်လား၊ နေမကောင်းဘူးလို့ ထင်လား”

“ နေမကောင်းဘူးလေ။ စိတ်ဓာတ်ကျနေတယ်။ ဆေးပြောင်းသောက် ဆိုလည်း သောက်ပါ့မယ်။ မြန်မြန် ပျောက်အောင်သာ ကူညီပါ”

“ ဆက်ဆွေးနွေးတာပေါ့”

ဆက်လက် ရေးသားပါမည်

စိတ်ဆရာဝန်နှင့် တွေ့ဆုံခြင်း (၁)

“ David Smith ရှိပါသလား”

“ကျွန်တော်ပါပဲ”

“ဒါဆို ကျွန်မနောက်က လိုက်ခဲ့ပါ”

“ဟုတ်ကဲ့ ခင်ဗျ။ ဒါနဲ့ ကျွန်တော့် ဇနီးရော လိုက်လာလို့ ရမလား”

“လူနာ့ သဘောပါ။ ရှင် ခေါ်ချင်တယ်ဆို ခေါ်လာနိုင်ပါတယ်။ ကျွန်မအတွက်က ပြဿနာ မဟုတ်ပါဘူး။ ပံ့ပိုးသတင်း (collateral information) ရလို့ ပိုတောင် ကောင်းပါသေးတယ်”

“သြော် ဟုတ်ကဲ့။ ကျေးဇူးပဲ”

“ကဲ ထိုင်ကြပါ။ ကျွန်မကတော့ စိတ်ရောဂါ ဆရာဝန် သွဲ့ပါ။ တွေ့ရတာ ၀မ်းသာပါတယ် Mr. Smith”

“ကျွန်တော့်ကို David လို့ပဲ ခေါ်ပါ ခင်ဗျ။ တွေ့ရတာ ၀မ်းသာပါတယ်”

“ကျွန်မက Sharon ပါ။ တွေ့ရတာ ၀မ်းသာပါတယ်”

“ဟုတ်ကဲ့။ တွေ့ရတာ ၀မ်းသာပါတယ် Sharon”

“သိတဲ့အတိုင်းပဲ။ ရှင့်ရဲ့ အထွေထွေ ဆရာဝန် GP က လွှဲလို့ ကျွန်မတို့က ဒီနေ့ ပြင်ပလူနာဌာနမှာ appointment ကို ပေးတာပါ။ လူနာသစ် ဖြစ်လို့ တွေ့ဆုံမေးမြန်းခြင်း interview အတွက် အချိန် တစ်နာရီ ရပါတယ်။ ပထမ မိနစ်လေးဆယ်မှာ ကျွန်မက မေးခွန်းတွေ အများကြီး မေးမယ်။ မျှော်လင့်ပြီးသား ဖြစ်မယ် ထင်ပါရဲ့”

“ဆိုပါတော့”

“အချိန် အကန့်အသတ်ကြောင့်မို့ တချို့နေရာတွေမှာ ကျွန်မက စကား ဖြတ်ပြောကောင်း ပြောရမယ်။ ဒါကို နားလည်ပေးမယ်လို့ မျှော်လင့်ပါတယ်။ ကျန်တဲ့ အချိန်ကတော့ ရှင်တို့ မေးချင်တာ မေးဖို့ရယ်၊ ကျွန်မရဲ့ ထင်မြင်ချက်နဲ့ ရှေ့ကုထုံးကို ဆွေးနွေးဖို့ရယ်ပေါ့။ ဒီမှာ ပြောတဲ့ စကားတွေကို မလိုအပ်တဲ့ ပြင်ပပုဂ္ဂိုလ်တွေဆီ ဖွင့်ဟခြင်း မပြုဘူးဆိုတာ ပြောပြချင်ပါတယ်။ ရှင့်ရဲ့ GP ဆီကိုတော့ အသေးစိတ် အကြောင်းကြားစာ ရေးပါမယ်။ ဒီစာရဲ့ မိတ္တူကို ရှင်လိုချင်တယ်၊ မလိုချင်ဘူး ဒီစာရွက်မှာ ရွေးချယ်ပြီး လက်မှတ်ထိုးပါ”

“ကျွန်တော် သိချင်ရင် ကျွန်တော့် GP ဆီ အချိန်မရွေး သွားမေးလို့ ရနေတာမို့ မိတ္တူ မလိုပါဘူးဗျာ”

“ကောင်းပြီလေ”

“ကဲ ဒီနေ့ ကျွန်မဆီကို လာတွေ့ရတဲ့ အကြောင်းရင်းလေး ပြောပါဦး”

“ကျွန်တော် စိတ်ဓာတ်ကျနေတယ်။ ကုန်းကောက်စရာ မရှိလောက်အောင် ကျတာ။ တစ်နေ့ တစ်နေ့ ခေါင်းပေါ်မှာ တိမ်တိုက်မဲကြီး အုံ့နေသလိုပဲ”

“တခြားရော ဘာတွေ ခံစားရသေးလဲ”

“တချိန်လုံး နုံးချိပြီး ဘာမှ မလုပ်ချင်ဘူး။ ဘာကိုမှလည်း စိတ်မ၀င်စားတော့ဘူး။ အစားတောင် မိန်းမက တိုက်တွန်းလို့သာ စားရတာ၊ ခံတွင်း မတွေ့လှဘူး။ ညညလည်း အိပ်လို့ မရဘူး”

“နောက်ထပ်ရော”

“သတိလည်း မကောင်းတော့ဘူးဗျ။ မေ့လွယ်နေတယ်။ စိတ်က အာရုံမစိုက်နိုင်ဘူး”

“ဒီလို ဖြစ်တာ ဘယ်လောက် ကြာပြီလဲ”

“ခြောက်လလောက် ရှိပြီ။ GP ပေးတဲ့ anti-depressant နဲ့လည်း မသက်သာပဲ ပိုဆိုးလာလို့ စိတ်ရောဂါ အထူးကုနဲ့ လာပြတာ”

“ရှင်က ဆေးမှန်မှန် သောက်ဖြစ်လို့လား”

“သောက်ပါတယ်”

“ဆေးပြင်းအားက ဘယ်လောက်တုံး”

“စကတည်းက အတိုင်းပဲ။ မတိုးထားဘူးဗျ”

“ဘာဆေးလဲဆိုတာ မှတ်မိလား”

“ဆေးနာမည် မမှတ်မိဘူး။ P နဲ့စတယ် ထင်တယ်”

“ထားပါတော့။ ဒီလိုဖြစ်နေတာ ခြောက်လ ကြာပြီဆိုရင် ဒီခြောက်လ မတိုင်ခင်မှာ ရှင့်ဘ၀ သို့မဟုတ် ပတ်ဝန်းကျင်မှာ ဘာများ အပြောင်းအလဲ ဖြစ်ခဲ့သလဲ”

“အလုပ်မှာ တာဝန်တွေ ပိုပိလာတယ်ဗျ။ သူများတွေ အလုပ်ပြုတ်တော့ သူတို့အလုပ်တွေ ကိုယ့်ပေါ် ရောက်လာတာပေါ့။ ကိုယ်ကလည်း တည်မြဲရေး ကြောက်နေရတော့ မညည်းရဲဘူး”

“အလုပ်မှာ ဆက်ဆံရေးကရော ဘယ်လို နေလဲ”

“ကျွန်တော် ခုတလော လူတွေကို ရှောင်သလို၊ စိတ်လည်း ဆတ်နေတယ်လို့ လုပ်ဖော်ကိုင်ဖက်တွေက ပြောတယ်”

“ဒေါသကြောင့် ကိုယ့်ကိုကိုယ် တစ်ခုခု ထိခိုက်အောင် လုပ်မိတာ ရှိလား၊ သူများကို နှုတ်အား၊ကိုယ်အားနဲ့ ရန်ပြုမိတာ ရှိလား”

“မရှိဘူးဗျ၊ ကျွန်တော်က ပင်ကိုယ်စိတ် နူးညံ့သူပါ”

“ လူတိုင်းကို မေးသင့်တဲ့ မေးခွန်းတွေ မေးနေကျမို့ ပုဂ္ဂိုလ်ရေးအနေနဲ့ မမြင်စေချင်ဘူး”

“နားလည်ပါတယ် ခင်ဗျ။ ဆရာမ တာဝန်ရှိသလို မေးချင်တာအားလုံး မေးပါ။ ကျွန်တော်က အမှန်အတိုင်း ဖြေပါမယ်။ ကျွန်တော့်အကျိုးအတွက်ပဲလေ”

“ကောင်းပါပြီ။ စိတ်ဓာတ် အရမ်းကျသူတွေဟာ တခါတရံ ထူးဆန်းတဲ့ အတွေ့အကြုံတွေ ရတတ်တယ်။ ရှင် ဒါမျိုး ကြုံဖူးသလား”

“မေးခွန်းကို မရှင်းလို့ ပြန်ပြောပြပေးပါဦး”

“ဘယ်သူမှ အနားမရှိပဲ အသံတွေ ကြားတာမျိုး၊ ကိုယ့်ကို သူများက စောင့်ကြည့်နေတယ်လို့ ထင်တာမျိုးပေါ့”

“မရှိသေးဘူးဗျ။ တော်ပါသေးရဲ့”

“အရင်က ဒီလို စိတ်ဓာတ်ကျဖူးလား”

“ကျဖူးတယ်။ ဒါပေမယ့် ဒီလောက် မကြာဘူး၊ မဆိုးဘူး။ ဆေးမသောက်ပဲ ပြန်ကောင်းသွားတယ်”

“သွေးသားရင်းချာထဲမှာ အလားတူ ဒါမှမဟုတ် စိတ်ရောဂါ တစ်မျိုးမျိုး ခံစားရသူ ရှိလား”

“အမေကတော့ စိတ်ကြွစိတ်ကျရောဂါနဲ့ ဆေးရုံတက်ရဖူးတယ်။ ကြာလှပါပြီ။ ခုတော့ Lithium သောက်ပြီး ကောင်းနေတာပဲ”

“အရက်၊ ဆေးလိပ်၊ မူးယစ်ဆေး သုံးသလား”

“ဘီယာလေးတော့ နှစ်ပိုင့်လောက် ညတိုင်း သောက်ဖြစ်တယ်။ စိတ်ပြေလက်ပျောက်ပါ။ သောက်နေကျပဲဗျ။ ကျန်တာတော့ မလုပ်ပါဘူး”

“ဘယ်လောက် ကြာပြီလဲ။ အရင်ကထက် ပိုသောက်ဖြစ်သလား”

“ကျွန်တော် ဆယ့်ကိုးနှစ်သားကတည်းက သောက်တတ်တာ။ ပုံမှန်သောက်တာကတော့ ခု နောက်ပိုင်းမှပါ။ သုံးနှစ်လောက်တော့ ရှိပြီ။ စသောက်ကတည်းက ဒီလောက်ပါပဲ”

“တခြား အရက်တွေ၊ ၀ိုင်တွေရော”

“မသောက်ပါဘူး”

“ကားမောင်းလား”

“မောင်းပါတယ်”

“ယာဉ်စည်းကမ်းဆိုင်ရာ အရေးယူခံရတာ ရှိလား”

“မရှိပါဘူး”

“ရုံးရောက် ဂတ်ရောက် ဖြစ်ဖူးလား”

“မဖြစ်ဖူးပါဘူးဗျာ”

“ကဲ ကဲ ရှင့်ကို အနားပေးပြီး ရှင့်ဇနီးကို မေးလိုက်ဦးမယ်။ ပြီးရင် ရှင့်အလှည့် ပြန်ရောက်လာမယ်”

“ကျွန်တော် အခန်းပြင် ထွက်ပေးရမလား”

“မလိုပါဘူး။ ရှင်တို့ လင်မယားချင်း ကျေနပ်ရင် ကျွန်မအတွက်က ဘာမှ မထူးပါဘူး”

“ဒါဆို ကိုယ် ဆက်နေရင် ရတယ် မဟုတ်လား Sharon? ”

“ Of course, you can”

ဆက်လက် ရေးသားပါမည်...