Friday 29 August 2008

စိတ်ကြွစိတ်ကျရောဂါ (Bipolar Affective Disorder)

စိတ်ကြွစိတ်ကျရောဂါ (Bipolar Affective Disorder also known as Manic Depression) ဟာ နာမည်အတိုင်းပဲ စိတ်ကြွရောဂါ (Mania/ Hypomania) နဲ့ စိတ်ဓာတ်ကျရောဂါ (Depression) နှစ်မျိုးပေါင်းထားတာ ဖြစ်ပါတယ်။ ဝေဒနာရှင်ဟာ စိတ်ကြွရောဂါ နဲ့ စိတ်ဓာတ်ကျရောဂါ အနည်းဆုံး တစ်ကြိမ်စီ သို့မဟုတ် စိတ်ကြွရောဂါ အနည်းဆုံး နှစ်ကြိမ် ခံစားရဖူးတယ်ဆိုရင် စိတ်ကြွစိတ်ကျရောဂါ ခံစားနေရပြီလို့ သတ်မှတ်နိုင်ပါတယ်။

စာရေးဆရာမ Virginia Woolf, ရုပ်ရှင်သရုပ်ဆောင် Vivien Leigh, Carrie Fisher, Jean Claude Van Damme, Ben Stiller, တေးသံရှင် Connie Francis, Sting, ရုပ်ရှင် ဒါရိုက်တာ Francis Coppola တို့ဟာ စိတ်ကြွစိတ်ကျရောဂါရှင် ကမ္ဘာကျော်တစ်ချို့ ဖြစ်ပါတယ်။*

စိတ်ဓာတ်ကျရောဂါအကြောင်း ရေးပြီးပြီမို့ စိတ်ကြွရောဂါအကြောင်း ဆက်ပါရစေ။ စိတ်ကြွရောဂါ နှစ်မျိုး ရှိပါတယ်။ အရင့်စား (Mania) နဲ့ အနုစား (Hypomania) ပါ။ အရင့်စား (Mania) က နေ့စဉ်လူမှုဆက်ဆံရေး နဲ့ အလုပ်အကိုင်တွေကိုပါ ထိခိုက်လောက်အောင် ဖြစ်တတ်ပါတယ်။ အနုစား (Hypomania) ကတော့ သူ့လောက်လည်း မကြာ၊ သူ့လောက်လည်း မဆိုးပါဘူး။ စကားတွေ မတရားများလာတာ၊ အလုပ်တွေ မတရားလုပ်လာတာ၊ ခါတိုင်းထက် ပိုပြီး အကြောင်းမဲ့ အရမ်းပျော်နေတာ၊ စိတ်အတွေးတွေက လိုက်မမှီအောင် မြန်နေတာလောက်ပေါ့။ ဆေးမကုပဲ ထားရင်တော့ အနုစားကနေ အရင့်စား ပြောင်းသွားဖို့ အသေအချာပါပဲ။

စိတ်ကြွရောဂါအရင့်စား (Mania) ရဲ့ ရောဂါ လက္ခဏာတွေကတော့
  • စိတ်ပျော်မြောက်နေခြင်း သို့တည်းမဟုတ် စိတ်ဆတ်၊ အထိမခံ ဖြစ်နေခြင်း (Elevated mood or irritability)
  • အအိပ်အနေ သိသိသာသာ နည်းသွားသော်ငြား အားအင်များ အလိုလို ပြည့်သကဲ့သို့ ခံစားရခြင်း (Raised energy despite minimal or lack of sleep)
  • ကြီးကျယ်ခမ်းနားသော အကြံအစည်များ ပေါ်ကာ၊ မိမိကိုယ်မိမိ အထူးစွမ်းရည်များ ပိုင်ဆိုင်သည်ဟု ယုံကြည်နေခြင်း (Grandiosity)
  • အာရုံစူးစိုက်မရပဲ စိတ် တောင်ရောက်မြောက်ရောက် ဖြစ်ခြင်း (Distractibility)
  • ပုံမှန် လူမှုရေးအရ ထိန်းချုပ်မှုများ ကင်းလွတ်ကာ၊ အရောဝင်လွန်းခြင်း (Social dis-inhibition & over-familiarity)
  • အတွေး၊ အပြော၊ အလုပ်အားလုံး ပုံမှန်ထက် မြန်ကာ အလျင်စလို ဖြစ်နေခြင်း (Racing thoughts, pressured speech & over-activity)
  • အရဲစွန့် လုပ်ကိုင်ခြင်း အပြုအမူ (Risk-taking behaviour) များ ရှိလာခြင်း - ဥပမာ ကားအလွန်အမင်း အမြန်မောင်းခြင်း၊ ငွေ အသုံးအဖြုံး များလာခြင်း၊ ကာမစိတ်များလာပြီး အ န္တရာယ် မကြောက်ပဲ တွေ့ကရာလူနှင့် ဆက်ဆံခြင်း
ဒီရောဂါ လက္ခဏာတွေဟာ ခုနစ်ရက်လောက် ဆက်တိုက် ဖြစ်နေပြီဆိုရင် မိသားစုကလည်း မခံနိုင်တော့ပါဘူး။ ဝေဒနာရှင်အတွက်လည်း အ န္တရာယ် များပါတယ်။ အထူးသဖြင့် နောက်ဆုံး လက္ခဏာဟာ စိုးရိမ်စရာပါ။ လူနာရဲ့ ရောဂါကို အမြတ်ထုတ် (exploit) တဲ့သူများလည်း ရှိနိုင်လို့ပါပဲ။ ဒီလက္ခဏာတွေ ရှိလို့ကတော့ ဆေးရုံတင်ကုတာ စိတ်ချရပါတယ်။ စိတ်ချရတဲ့ ပတ်ဝန်းကျင် (safe environment) လိုအပ်လို့ပါပဲ။ ဆေးရုံမှာလည်း မျက်ခြေမပြတ် စောင့်ကြည့် (close monitoring) ရမှာပါ။

စိတ်ဓာတ်ကျရောဂါမှာလိုပဲ စိတ်ကြွရောဂါအရင့်စားမှာလည်း အမှန်တကယ် မဖြစ်သော ကိစ္စများကို အမှန်ကဲ့သို့ ယုံကြည်ခြင်း (delusions) တွေ၊ လှုံ့ဆော်မှုမဲ့ အကြား/ အမြင်အာရုံ (auditory/ visual hallucinations) တွေ ရတတ်ပါတယ်။ သဘောသဘာဝလေးတော့ ကွာတတ်ပါတယ်။ စိတ်ကြွရောဂါမှာတော့ ပျော်တဲ့၊မြောက်တဲ့ သဘောတရားကို အခြေခံတဲ့ အမှန်တရားနဲ့ ကင်းကွာခြင်း လက္ခဏာများ (psychotic symptoms) ပေါ့။ အရမ်းချမ်းသာပါတယ်လို့ ယုံကြည်ပြီး ငွေ အလွန်အမင်း သုံးတာ၊ ကိုယ့်ကိုကိုယ် အလွန်အရေးပါသူလို့ ယုံကြည်ပြီး အရေးကြီး ဆွေးနွေးပွဲမျိုးကို မဆိုင်ပဲ အတင်းဝင်ရောက် မိန့်ခွန်းချွေတာ၊ ကိုယ်က ကျော်ကြားလို့ သူများက လုပ်ကြံဖို့ နောက်ယောင်ခံလိုက်နေတယ်ဆိုပြီး သူများတွေကို သံသယပွါးတာ စသဖြင့်ပေါ့။

စိတ်ကြွစိတ်ကျရောဂါရှင်တွေဟာ သူတို့စိတ်က တက်လိုက်ကျလိုက် ဖြစ်တတ်တာကို နေကောင်းသွားတဲ့အချိန်နဲ့ စိတ်ဓာတ်ကျချိန်မှာ သိပေမယ့် စိတ်ကြွနေချိန်မှာတော့ သတိထားမိဖို့ ခဲယဉ်းတတ်ပါတယ်။ သူကိုယ်တိုင်က နေလို့ကောင်းနေတာမို့ပါ။ စဉ်းစားကြည့်ရင် ကိုယ်ချင်းစာနိုင်ပါတယ်။ ကိုယ့်ကိုကိုယ် အစွမ်းအစတွေ၊ အထူးသတ္တိတွေနဲ့ ပြည့်စုံနေတယ်လို့ ထင်နေရတဲ့ အရသာက မက်လောက်စရာကိုး။ ဒါကို ပုံမှန်မဟုတ်ဘူး သွားပြောတော့ စိတ်ဆိုးတာပေါ့။ လူနာ ငြိုငြင်မှာ ကြောက်လို့ ဆေးမကုပဲထားရင် ပိုပြီးနစ်နာစရာတွေ ဖြစ်နိုင်တာ သတိချပ်ရပါမယ်။

သူ့အပြုအမူနဲ့ ရောဂါလက္ခဏာဟာ သူ့ဘ၀နဲ့ ပတ်ဝန်းကျင်ကို ဘယ်လောက် ထိခိုက်နေတယ်၊ ထိခိုက်နိုင်တယ် ဆိုတာ မိသားစုနဲ့ ဆရာဝန်က သတိပြုမိပြီး စိတ်ပုံမှန် မြန်မြန်ပြန်ဖြစ်အောင် ကူညီကုသရပါမယ်။ စိတ်ပုံမှန် ပြန်မရောက်သေးခင် ဝေဒနာရှင် ပြုမူပြောဆိုတာတွေကို ဗွေမယူမိဖို့လည်း လိုပါတယ်။ သူ့စိတ်ကမှ ပုံမှန် မဟုတ်သေးတာ။ ဘေးကနေ ဖေးမထိန်းသိမ်းပေးရပါမယ်။ ဒီလို လူနာတွေဟာ ပြန်ကောင်းသွားတဲ့အခါ သူတို့ ပြောခဲ့လုပ်ခဲ့တာတွေကို ရှက်တတ်၊ အားနာတောင်းပန်တတ်ပါတယ်။ မတောင်းပန်ရင်တောင်မှ နားလည်ခွင့်လွှတ်ပေးရမှာပါ။ စိတ်ရောဂါဆိုတာ ခြေလက်ကျိုးတာလို မြင်သာတဲ့ ကိစ္စမဟုတ်လို့ ရောဂါရယ်လို့ လက်ခံဖို့ တချို့က ပြဿနာ ရှိတတ်ပါတယ်။ အမြင်ကျယ်၊ ဗဟုသုတ ရှိဖို့ လိုပါတယ်။ ကုလို့ ရတဲ့ ရောဂါတွေပါ။ ကံနာ ၀ဋ်နာ မဟုတ်ဘူး ဆိုတာ ထပ်ပြောပါရစေ။

စိတ်ကြွစိတ်ကျရောဂါဟာ ရောဂါပြန်ထခြင်း (acute episode) ပျောက်ကင်းသွားပြီးတဲ့အခါ လုံးဝအကောင်းပါပဲ။ ဒါကို Complete remission ရတယ်လို့ ခေါ်ပါတယ်။ ဆေးတော့ သောက်နေရမှာပေါ့။ မသောက်ရင် ရောဂါ ပြန်ထဖို့ ဖြစ်နိုင်ချေ (risk of relapse) ပိုများလို့ပါ။ ရောဂါရဲ့ မူလသဘောကိုက ပြန်ဖြစ်တတ်တဲ့ သဘာဝ ရှိပါတယ်။ ဆေးသောက်သည့်တိုင်အောင် လောကဓံတွေ ထုထောင်းဖိစီးတဲ့အခါ ပြန်ဖြစ်တတ်ပါတယ်။ ဆေးမသောက်ရင် ပိုဆိုးတာပေါ့။ ဘယ်လောက်ကြာကြာ ဆေးသောက်နေရမယ်ဆိုတာက ဘယ်နှစ်ကြိမ် ဖြစ်ဖူးသလဲ၊ ဘယ်လောက်ထိ ဆိုးသလဲဆိုတာပေါ် မူတည်ပါတယ်။

စိတ်ကြွစိတ်ကျရောဂါရှင်တွေဟာ စိတ်ညှိဆေး (Mood stabiliser) တစ်ခုခု ရေရှည် သောက်ရတတ်ပါတယ်။ ဒီဆေးမျိုးက အစွမ်းထက်ပေမယ့်၊ အရမ်းကြာကြာ သောက်ရရင် တာရှည်သုံးခြင်းရဲ့ နောက်ဆက်တွဲ ဘေးထွက်အာနိသင်များ (Long-term side effects) ရတတ်လို့ ဆေးစစ်စရာ၊ စောင့်ကြည့်စရာတွေကို လူနာ၊ သူ့မိသားစု နဲ့ ဆရာဝန် ကြားမှာ ပွင့်ပွင့်လင်းလင်း ဆွေးနွေးတိုင်ပင် သဘောတူရပါမယ်။ စိတ်ရောဂါကုဆရာဝန်နဲ့ ပြင်ပလူနာအဖြစ် ပုံမှန် စစ်ဆေးသင့်ပါတယ်။ ဒါကို ဆွဲကုတယ်၊ ဘော်ချက်တယ်လို့ မြင်ရင်တော့ စိတ်မကောင်းစရာပါပဲ။

စိတ်ရောဂါ ကုသတဲ့နေရာမှာ ယုံကြည်မှုနဲ့ ဆရာဝန်-လူနာ ဆက်ဆံရေး (Trust & therapeutic relationship) က အရမ်း အရေးကြီးပါတယ်။ တခြားရောဂါတွေမှာထက် ပိုအရေးပါပါတယ်။ နေမကောင်းတဲ့ အချိန်မှာ လူနာရဲ့ စိတ်က ပြောင်းသွားတတ်ပြီး စဉ်းစားဆင်ခြင်တုံတရား ပျောက်သွားတတ်လို့ပါ။ ဒီအချိန်မှာ ဆရာဝန်ရဲ့ သမားကျင့်ဝတ်နဲ့ အညီ ကုသပေးမှု၊ လူနာရဲ့ ကိုယ်ပိုင်အခွင့်အရေးကို လေးစားပြီး သူ့အတွက် ဆုံးဖြတ်ချက်ချတဲ့အခါ ထည့်သွင်းစဉ်းစားမှုတို့ဟာ မရှိမဖြစ် လိုအပ်ပါတယ်။ အဆင့်မြင့် စက်ကရိယာတွေ၊ ဆေးတွေ အားလုံးထက် အရေးကြီးတဲ့ အရာပါ။ ဘယ်အရပ်ဒေသမှာမဆို ပေးဝေနိုင်တဲ့ ၀ိသေသတစ်ရပ်ပါ။

နေအိမ်ထိ လာကြည့်တဲ့ သူနာပြု (Community Psychiatric Nurse) များ မရှိပေမယ့် ကိစ္စမရှိပါဘူး။ မိသားစုကို ပညာပေးထားလို့ ရပါတယ်။ ရောဂါစဖောက်ခြင်း လက္ခဏာများ (early warning signs) ကို လူနာအနီးက လူများ သိထားရင် ပေါက်ဆိန်နဲ့ ပေါက်စရာ မလိုခင် ဆေးကုနိုင်တာပေါ့။ အပ်ကလေးနဲ့ပဲ ထွင်းရတော့ ပိုမကောင်းဘူးလား။

့မြန်မာလူမျိုးအပေါင်း စိတ္တဘယမှ ကင်းဝေး၊ ချမ်းသာကြပါစေ။

*Semple, D., Smyth, R., Burns, J., Darjee, R. & McIntosh, A. (2005). Oxford Handbook of Psychiatry, Oxford: University Press.

7 comments:

  1. Health မှာဖတ်ခဲ.တယ်။

    ReplyDelete
  2. ဟုတ်ကဲ့ ကျေးဇူးပါ။ စိတ်ရောဂါနဲ့ ပတ်သတ်ပြီး သတ်သတ်မှတ်မှတ် သိချင်နေတာများ ရှိခဲ့ရင် နောက်တစ်ခါ လာလည်ရင် ပြောသွားပါနော်။ ရေးစရာတွေတော့ စဉ်းစားထားပါတယ်။ အများ သိချင်တာနဲ့ မတိုက်ဆိုင်ရင် ကျမရဲ့ မူလရည်ရွယ်ချက် အထမမြောက်မှာ စိုးလို့ပါ။

    ReplyDelete
  3. အမဒေါက်တာရေ
    စိတ်ကျရောဂါ
    စိတ်ကြွရောဂါ
    စိတ်ကျစိတ်ကြွရောဂါ ဆိုပြီး ပုံစံ၃မျိုးရှိတယ်လို့ ခုမှသိလိုက်ရတယ်။ လက္ခဏာတွေ အကုန်လုံးပြမှ ရောဂါဖြစ်တာလား။ တစ်ချက်လောက်ဖြစ်ရင်ပဲ ရောဂါလို့ သတ်မှတ်နိုင်ပါသလား။ တစ်ခါတစ်လေမှာ စိတ်ဓါတ်ကျတာတွေ၊ စိတ်ဓါတ်တက်ကြွတာတွေ ကြုံရပါတယ်။ သာမန်ဖြစ်ရိုးဖြစ်စဉ်လား လက္ခဏာပြတာလား ဆိုတာကို ဘယ်လိုခွဲခြားရပါမည်လဲခင်ဗျာ။ စိတ်ရောဂါက နူးညံ့သိမ်မွေ့လွန်းလို့ပါ။ ဒေါက်တာရဲ့ ပညာပေးစာတွေဟာ ကျွန်တော့်အနေနဲ့ ဂရုတစိုက်ဖတ်ရှုရမယ့်အထဲမှာ ပါပါတယ်။ အဲဒါကြောင့် အသစ်တက်တိုင်း သိနိုင်အောင် Link ထားရတာပါ။ ခွင့်ပြုပါခင်ဗျာ။ ဆက်လက်အကျိုးပြုနိုင်ပါစေ။

    မေတ္တာဖြင့်

    ReplyDelete
  4. ကိုတောင်ငူရေ...ကျေးဇူးတင်ပါတယ်။ ကျမ စာရေးရတဲ့ ရည်ရွယ်ချက်လေး ပိုပြီး အထမြောက်သွားတာပေါ့။
    မေးထားတဲ့ မေးခွန်းကလည်း အင်မတန် ကောင်းပါတယ်။ လူတိုင်းမှာ စိတ်ဆိုတာ ရှိနေတာပဲ။ အမြဲ တသမတ်တည်း ဘယ်ရှိနိုင်ပါ့မလဲ။ ပျော်စရာတွေ့ရင် ပျော်မှာပေါ့။ ၀မ်းနည်းစရာတွေ့ရင် ၀မ်းနည်းမှာပေါ့။ အဲဒါ လူပီသခြင်းပါ။ ရောဂါ မဟုတ်ပါဘူး။
    စိတ်အနေ (Mood/Affect) နဲ့ ပတ်သက်တဲ့ ရောဂါတွေကတော့ အကြမ်းအားဖြင့် နှစ်မျိုးရှိပါတယ်။ စိတ်ကျတာနဲ့ စိတ်ကြွတာ။ ဒါတွေ ကာလအပိုင်းအခြား တစ်ခုအတွင်း တစ်ကြိမ်မက ဖြစ်ရင်တော့ ဖြစ်တာပေါ် မူတည်ပြီး စိတ်ကျစိတ်ကြွရောဂါ (Bipolar Affective Disorder) ရင်လည်းဖြစ်၊ သို့မဟုတ် ထပ်မံဖြစ်ပွါးစိတ်ကျရောဂါ (Recurrent Depressive Disorder) ရင်လည်း ဖြစ်ပေါ့။ လေးမျိုး ဖြစ်သွားလို့ စိတ်မညစ်ပါနဲ့။ ရောဂါမှန် ရှာပြီး ကုဖို့ကို ဆရာဝန် လုပ်ပါလိမ့်မယ်။ လူနာ/လူနာရှင်က မေးတော့ မေးရမယ်နော်။ သူ့ဘ၀နဲ့ ခန္ဓာကိုယ်လေ။
    လူတစ်ယောက်ဟာ သူ့ထုံးစံ၊ ပုံမှန်ထက် စိတ်အတက်အကျတွေ ဖြစ်နေရင်၊ ရောဂါလက္ခဏာတွေ တစ်ခုမက ရက်ရှည် ဖြစ်နေရင်တော့ တတ်ကျွမ်းနားလည်သူနဲ့ တိုင်ပင်ပြသသင့်ပါတယ်။
    တစ်ခါတလေကျတော့ စိတ်ရောဂါ မဟုတ်ပဲ တခြားလည်း ဖြစ်နေတတ်ပါသေးတယ်။ ဥပမာ သိုင်းရွိုက်ဟော်မုန်း များရင် စိတ်ကြွရောဂါ လက္ခဏာတချို့ ပြတတ်တာမျိုး။ ဒါကို ဆက်လက်စစ်ဆေးရမှာ ဆရာဝန်ရဲ့ တာဝန်ပါ။ စိတ်ချရတဲ့ ဆရာဝန် ဖြစ်ဖို့တော့ လိုတာပေါ့။
    မလိုအပ်ပဲ ဆေးတွေ နင်းကန်ပေးတာမျိုး ကြားဖူးလို့ပါ။ နောက်မှ အဲဒီအကြောင်းလေး ရေးပါဦးမယ်။

    ReplyDelete
  5. အမ ဒေါ်နုသွဲ့
    Bipolar affective diorder ကို public health ရဲ့ADHD (2) မှာ link လုပ် ထားပါတယ် အမ။ အမ ဆီက ခွင့်တောင်းတာပါ။

    ReplyDelete
  6. အများအတွက် ဆက်လက် ဖြန့်ဝေတာပဲ၊ ရပါတယ်ရှင့်။ ခွင့်တောင်းတာကိုလည်း ကျေးဇူးတင်ပါတယ်။
    ဒီ် “နုသွဲ့ရဲ့ကမ္ဘာ” ဖက်က ပို့စ်မှာ ဆွေးနွေးချက်လေး ရှိလို့ ဒီဖက်ကို လင့်ခ်တာ ထင်ပါရဲ့။ ပိုကောင်းတာပေါ့။
ိခင်မင်လျက်
    နုသွဲ့

    ReplyDelete
  7. ကူးယူသွားပါသည်

    ReplyDelete

တွေးမိတာလေး ရေးသွားပါ။ ကျေးဇူးတင်ပါတယ်။